គ្រោះថ្នាក់ចរាចរណ៏ ថ្ងៃ១២កក្កដា ស្លាប់ម្នាក់ របួស១៥
សារព័ត៌មាន Cambodia News/
ភ្នំពេញ (១៣ កក្កដា ២០១៥) ៖ គ្រោះថ្នាក់ចរាចរណ៏ផ្លូវគោក នៅទូទាំងប្រទេស ដែលកើតឡើង នៅថ្ងៃទី១២ ខែកក្កដា ឆ្នាំ២០១៥ មានចំនួន ០៩លើក(យប់០៥លើក) បណ្តាលឲ្យមនុស្សស្លាប់ម្នាក់ (ប្រុស) របួសធ្ងន់ ១១នាក់ (ស្រីម្នាក់) និងរបួសស្រាល ០៤នាក់ (ប្រុស)។នេះបើយោងតាមរបាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិ។
ក្នុងហេតុការណ៍គ្រោះថ្នាក់ចរាចរណ៍ទាំង ០៩លើកនេះ គឺចាប់គិតពីម៉ោង១៣ ថ្ងៃទី១០ ដល់ម៉ោង១៣ ថ្ងៃទី១២កក្កដា បានបង្កឲ្យខូចខាតយានយន្តសរុបចំនួន ១៦គ្រឿង ក្នុងនោះមានម៉ូតូចំនួន ០៧គ្រឿង រថយន្តធុនតូច ០៧គ្រឿង រថយន្តធុនធំ ០១គ្រឿង យានផ្សេងៗ ០១គ្រឿង និងថ្មើរជើងម្នាក់។
របាយការណ៍ដដែល បានបព្ជាក់ថា មូលហេតុដែលបណ្តាលឲ្យកើតមានហេតុការណ៍ គ្រោះថ្នាក់ចរាចរណ៍ទំាងអស់នេះ បណ្តាលមកពីការបើកល្មើសល្បឿន ស្រវឹង ប្រជែងគ្រោះថ្នាក់ មិនប្រកាន់ស្តាំ មិនគោរពច្បាប់ចរាចរជាដើម៕
