ពិធីដង្ហែសព សម្តេច ជា ស៊ីម ទៅកាន់វត្តបទុមវត្តី(មានវីដេអូ)
សារព័ត៌មាន Cambodia News/
សុខភាព ៖ តាំងពីព្រឹកព្រលឹមថ្ងៃទី១៩ មិថុនានេះ មានប្រជាពលរដ្ឋទាំងក្មេងទាំងចាស់ យ៉ាងច្រើនកុះករ បានចូលរួមនៅក្នុងពិធីដង្ហែសព និងបូជាសព សម្តេច ជាស៊ីម ជាអតីតប្រធានព្រឹទ្ធសភា និងជាអតីតប្រធានគណបក្សប្រជាជនកម្ពុជា។
សពរបស់សម្តេច ជា ស៊ីម បានដង្ហែចេញពីគេហដ្ឋានសម្តេច នាសង្កាត់ទន្លេបាសាក់ ខណ្ឌចំការមន ទៅកាន់វត្តបទុមវត្តី សម្រាប់ពិធីបូជាវិញ ព្រះករុណា ព្រះបាទសម្តេច ព្រះនរោត្តម សីហមុនី ព្រះមហាក្សត្រ នៃកម្ពុជា នឹងប្រទានភ្លើងបូជាសព ។
ប្រជាពលរដ្ឋ ដែលចូលរួមនៅព្រឹកនេះ មួយចំនួនស្លៀកសំលៀកបំពាក់ពណ៌ស មួយចំនួនទៀតស្លៀកសំលៀកបំពាក់ សំពត់ខ្មៅ អាវស ដើម្បីចូលរួមកាន់មរណៈទុក្ខ សព លោកជា ស៊ីម។
សូមជម្រាបថា សម្តេច ជា ស៊ីម បានទទួលមរណភាពនៅម៉ោង៣៖៤៥នាទីរសៀលថ្ងៃទី៨ ខែមិថុនា ឆ្នាំ២០១៥ ក្នុងជន្មាយុ៨៣ឆ្នាំ ដោយរោគគាពាធ៕
