អ្នកគាំទ្រ កំពុងសម្រុក ចូលទិញសំបុត្រ ចូលទស្សនា ការប្រកួតមិត្តភាព កម្ពុជា-ឡាវ
សារព័ត៌មាន Cambodia News/
ភ្នំពេញ (០២ មិថុនា ២០១៥) ៖ នៅព្រលប់ថ្ងៃ ទី០២ ខែមិថុនា ឆ្នាំ២០១៥ នេះក្រុមបាល់ទាត់ជម្រើសជាតិកម្ពុជា នឹងធ្វើការប្រកួត លក្ខណៈមិត្តភាព អន្ដរជាតិជាមួយក្រុមជម្រើសជាតិឡាវ នៅពហុកីឡដ្ឋានជាតិ ។
ការប្រកួត លក្ខណៈមិត្តភាព អន្ដរជាតិនេះ ព័ន្ធកីឡាបាល់ទាត់កម្ពុជា បានរៀបចំសំបុត្រចូលទស្សនាជាង៥ម៉ឺនសន្លឹកឯណោះ ដើម្បីលក់ឲ្យអ្នកគាំទ្រចូលទស្សនា និងលើកទឹកចិត្ដដល់កីឡាករកម្ពុជា នៃជំនួបមិត្តភាពអន្ដរជាតិផ្លូវការ។
នៅព្រឹកថ្ងៃទី ០២ មិថុនានេះ មានប្រជាពលរដ្ឋកម្ពុជា នឹងអ្នកគាំទ្រវិស័យ បាល់ទាត់ បានសម្រុកចូល ទិញសំបុត្រ ចូលទស្សនា យ៉ាងច្រើនកុះករ នៅមុខស្តាតអូឡាំពិក ដើម្បីចូលរួមទស្សនានៃការប្រកួត លក្ខណៈមិត្តភាពអន្តរជាតិ រវាងក្រុមជម្រើសជាតិកម្ពុជា និងក្រុមជម្រើសជាតិឡាវ នាម៉ោង ៦៖៣០ នាទីល្ងាច នេះនៅស្តាតអូឡាំពិក ។
ចំពោះតម្លៃសំបុត្រចូលទស្សនាវិញ គឺបែង ចែកជា៤ប្រភេទរួមមានតម្លៃ ២០.០០០រៀល ១៥.០០០រៀល ១០.០០០រៀល និង ៥.០០០ រៀល ។
សូមបញ្ជាក់ថា ចំពោះតម្លៃសំបុត្រ ចូលទស្សនាវិញ ដែលដាក់លក់ ដោយសហព័ន្ធកីឡា បាល់ទាត់កម្ពុជា FFC គឺបែង ចែកជា៤ ប្រភេទសម្រាប់រួមមានតម្លៃ ២០០០០៛, ១៥០០០៛, ១០០០០៛ និង ៥០០០៛៕ ដោយ៖ ហេង នាង
