នាយពាក់មី ដឹងកំហុស បន្ទាប់ពីសម្តែងលើឆាក យកលុយខ្មែរគាបនឹងជើង (មានវីដេអូ)
សារព័ត៌មាន Cambodia News/
ភ្នំពេញ (១១ ឧសភា ២០១៥) ៖ នៅក្នុង វីដេអូឃ្លីប របស់នាយពាក់មី តារាកំប្លែងប្រចាំស្ថានីយទូរទស្សន៍ CTN បានលើកដៃសំពះ សូមព្រះរាជទានទោសពីព្រះមហាក្សត្រ ចំពោះការយកលុយក្រដាស ១ ម៉ឺនរៀល ដែលមានរូបព្រះមហាក្សត្រ យកទៅគាបជើង។ [ អានបន្ត ]
ការសូមព្រះរាជទានទោសពីព្រះមហាក្សត្រនេះ បន្ទាប់ពីនាយពាក់មីដឹងកំហុសឆ្គងរបស់ខ្លួន ដោយមិនដឹងខ្លួន ដែលបានយកលុយក្រដាស់ ១ ម៉ឺនរៀល ដែលមានព្រះឆាយាល័ក្ខណ៍ ព្រះ មហាក្សត្រ យកទៅគាបនៅនឹងជើង នៅក្នុងការសម្តែងឆាកកំប្លែង កាលពីល្ងាចថ្ងៃទី៩ ខែឧសភា ឆ្នាំ២០១៥។
នៅក្នុង វីដេអូឃ្លីប ដដែលនាយពាក់មី បានអះអាងថា នាយពុំមានចេតនា មើលងាយ ព្រះមហាក្សត្រ និង លុយខ្មែរទេ ហើយនាយពាក់មី បានសូមអភ័យទោស និងសូមព្រះរាជទានទោស ពីព្រះមហាក្សត្រ រួមទាំងប្រជាជនខ្មែរផងដែរ៕
