អ្នកសារព័ត៌មាន ពិភាក្សាអំពីបញ្ហាប្រឈមនានា ពីការទទួលបានព័ត៌មាន
សារព័ត៌មាន Cambodia News/
ភ្នំពេញ (០៤ ឧសភា ២០១៥) ៖ នៅក្នុងទិវាសេរីភាពសារព័ត៌មានពិភពលោក ឆ្នាំ២០១៥ នៅព្រឹកថ្ងៃទី៤ ខែឧសភា នេះ សមាជិកក្លឹបអ្នកកាសែតកម្ពុជា និងអ្នកសារព័ត៌មានមកពីគ្រប់ស្ថាប័នសារព័ត៌មាននានា ក្នុងព្រះរាជា ណាចក្រកម្ពុជា បានជួបពិភាក្សាគ្នា នៅសណ្ឋាគារកាំបូឌីយ៉ាណា អំពីបញ្ហាប្រឈមនានា របស់អ្នកសារព័ត៌មាន ពីការទទួលបានព័ត៌មាន ។ [ អានបន្ត ]
លោក មាស សុភណ្ឌ័ អនុរដ្ឋលេខាធិការក្រសួងព័ត៌មាន បានមានប្រសាសន៍ថា បញ្ហាប្រឈមនានាបាននិងកំពង់លេចឡើងនៅក្នុងការអនុវត្តលទ្ធិប្រជាធិបតេយ្យ ការគោរពសិទ្ធមនុស្ស និងការលើកកម្ពស់វិស័យសារពត៌មាននៅកម្ពុជា ដែលទាមទាអោយយកចិត្តទុកដាក់បន្ថែមទៀតពីរាជរដ្ឋាភិបាល ក្រសួងពត៌មាន ស្ថាបន័ពាក់ពន្ធ័រួមទាំងអ្នកសារពត៌មានផងដែរដើម្បីជំនះអោយបានបញ្ហាប្រឈមទាំងអស់នោះ។
ជាមួយគ្នានោះដែរ លោក ឆាយ សុផល ដែលជានាយកប្រតិបត្តិ ក្លឹបអ្នកកាសែតកម្ពុជា បានមានប្រសាសន៍ថា ការប្រារព្ធពិធី នៅឆ្នាំនេះ មានគោលបំណង ដើម្បីផ្តល់វេទិកាមួយ សម្រាប់តំណាង និងអ្នកប្រកបវិជ្ជាជីវៈ ក្នុងប្រព័ន្ធផ្សព្វផ្សាយព័ត៌មាន ពិភាក្សាអំពីបញ្ហាប្រឈមនានា របស់អ្នក សារព័ត៌មាន ដើម្បីទទួលបានព័ត៌មាន សាធារណៈ។
គួរបញ្ជាក់ថា ការប្រារព្ធទិវានេះ គឺជាកិច្ចខិតខំប្រឹងប្រែង សហការរួមគ្នារបស់អង្គការយូនីស្កូ ការិយាល័យឧត្តមស្នងការ អង្គការសហប្រជាជាតិ ទទួលបន្ទុកសិទ្ធិមនុស្ស វិទ្យាស្ថានសារគមនាគមន៍កម្ពុជា ក្លឹបអ្នកកាសែតកម្ពុជា សមាគមកម្ពុជាការពារអ្នកកាសែត នាយកដ្ឋានប្រព័ន្ធផ្សព្វផ្សាយ និងសារគមនាគមន៍ នៅសាកល វិទ្យាល័យភូមិន្ទភ្នំពេញ៕ ដោយ៖ ហេង នាង
