ស្លាប់៥ នាក់ និងរបួសធ្ងន់ស្រាល៩ នាក់ក្នុងហេតុការឡានបុកគ្នានៅខេត្តកំពត
សារព័ត៌មាន Cambodia News/
កំពត (០៦ តុលា ២០១៤) ៖ មនុស្សប្រុស-ស្រី ៥នាក់ បានស្លាប់ភ្លាមៗ នៅនឹងកន្លែងកើតហេតុ និង ៩នាក់ ផ្សេងទៀត បានរងរបួសធ្ងន់ ក្នុងហេតុការណ៍ គ្រោះថ្នាក់ចរាចរដ៏រន្ធត់មួយ បង្កឡើងដោយរថយន្តនីសាន់ បុករថយន្តតួរីសដឹកអ្នកដំណើរ នៅលើកំណាត់ផ្លូវជាតិលេខ៣ កំពត ស្ថិតនៅមុខវត្តរលួស ឃុំបឹង ទូក ស្រុកទឹកឈូ ខេត្តកំពត នាម៉ោង ៥ល្ងាចថ្ងៃទី០៥ ខែតុលា ឆ្នាំ២០១៤នេះ។
មន្ត្រីនគរបាលចរាចរណ៍ជើងគោក បានឲ្យដឹងថា រថយន្តនីសាន់បានធ្វើដំណើរ យ៉ាងលឿនក្នុងទិសបញ្ច្រាសគ្នា ជាមួយរថយន្តតួរីស លុះដល់ចំណុចកើតហេតុគេមិនដឹងថា មានមូលហេតុអ្វីនោះទេ បានជ្រុលទៅបុករថយន្តតួ រីស ចំពាក់កណ្តាលលាន់ឮដូចរន្ទះ បណ្តាលឲ្យអ្នកដំណើរ ៥នាក់ស្លាប់ ក្នុងនោះមានស្រីម្នាក់ និងចំណែកឯអ្នក ដំណើរ ៩នាក់ផ្សេងទៀត បានរងរបួសធ្ងន់។
សមត្ថកិច្ចក៏បានឲ្យដឹងផងដែរថា ក្រោយពីបុករថយន្តតួរីសហើយ រថយន្តមួយគ្រឿងនេះ បានជ្រុល ទៅបុករថយន្ត ២គ្រឿងផ្សេងទៀត បណ្តាលឲ្យខូចខាតផងដែរ តែមិនបង្កគ្រោះថ្នាក់អាយុជីវិតមនុស្សនៅក្នុងរថ យន្តនោះទេ។ អត្តសញ្ញាណរបស់ជនរងគ្រោះទាំងអស់ នៅក្នុងរថយន្តតួរីស សមត្ថកិច្ចមិនទាន់បញ្ជាក់អត្ត សញ្ញាណនៅឡើយទេ៕
