ទូរទស្សន៍គណបក្សសង្គ្រោះជាតិនឹងដំណើរការមុនដំណាច់ឆ្នាំនេះ
សារព័ត៌មាន Cambodia News/
ភ្នំពេញ (២១ មេសា ២០១៥) ៖ យោងតាមបណ្តាញសង្គមរបស់លោក សម រង្ស៊ី មេបក្សប្រឆាំងដែលបានបង្ហោះកាលពីម្សិលមិញបានឲ្យដឹងថា ទូរទស្សន៍ព្រះអាទិត្យ អាចជាឈ្មោះទូរទស្សន៍មួយដែលនឹងត្រូវបង្កើតឡើងមុនដំណាច់ឆ្នាំនេះ ដោយក្រុមហ៊ុនទូរទស្សន៍ឯកជនមួយដែលចងសម្ព័ន្ធភាពជាមួយគណបក្សសង្គ្រោះជាតិ។ [ អានបន្ត ]
ប្រធានគណបក្សសង្គ្រោះជាតិ លោក សម រង្ស៊ី បានសរសេរនៅបណ្តាញសង្គមរបស់លោកថា CNRP ទើបតែដឹងថា ក្រុមហ៊ុនទូរទស្សន៍ឯកជនមួយដែលចងសម្ព័ន្ធភាពជាមួយ CNRP ដែលបានទទួលអាជ្ញាប័ណ្ណទូរទស្សន៍ពីក្រសួងព័ត៌មានគឺត្រូវដំណើរការមុនដំណាច់ឆ្នាំនេះ ដោយសារតែការរៀបចំបច្ចេកទេស ហិរញ្ញវត្ថុ។
លោក សម រង្ស៊ី បានសរសេរថា៖ «ស្ថានីយទូរទស្សន៍ដែលមិនចងសម្ព័ន្ធភាពជាមួយគណបក្សប្រជាជនដែលគេរង់ចាំជាយូរមកហើយគឺជាលទ្ធផលមួយទៀតនៃវប្បធម៌នៃការសន្ទនា បន្ទាប់ពីការបង្កើតគណៈកម្មាធិការជាតិរៀបចំការបោះឆ្នោតថ្មី និងគួរឲ្យទុកចិត្ត អាចមានសមត្ថភាពរៀបចំការបោះឆ្នោតដោយសេរី និងយុត្តិធម៌នៅឆ្នាំ ២០១៧ និង ២០១៨ នេះ»៕
