ក្រសួងដាក់ឲ្យដំណើរការចុះបញ្ជីអាជ្ញាប័ណ្ណទេសចរណ៍ និងមគ្គុទ្ទេសក៍ទេសចរណ៍ តាមអនឡាញ
សារព័ត៌មាន Cambodia News/
ភ្នំពេញ ៖ ចាប់ពីថ្ងៃទី១ ខែឧសភា ឆ្នាំ២០១៥តទៅ អ្នកដែលចង់ចុះបញ្ជីអាជ្ញាប័ណ្ណទេសចរណ៍ ក៏ដូចជាមគ្គុទ្ទេសក៏ទេសចរណ៍ទាំងអស់ គឺមិនបាច់ចុះបញ្ជីដោយផ្ទាល់នោះទៀតនោះទេ ពោលគឺពួកគេអាចធ្វើការចុះបញ្ជីតាមរយៈអនឡាញ ដែលនេះ វាគឺជាការជួយសម្រួលមួយដ៏ធំ។ [ អានបន្ត ]
យោងតាមសារាចរណែនាំរបស់ក្រសួងទេសចរណ៍ ប្រតិបត្តិករទេសចរណ៍ ភ្នាក់ងារទេសចរណ៍ ការីទេសចរណ៍ និងមគ្គុទ្ទេសក៏ទេសចរណ៍ទាំងអស់ ដែលចង់ចុះបញ្ជីអាជ្ញាប័ណ្ណ គឺគ្រាន់តែចូលទៅកាន់គេហទំព័រ www.cambodiatourismindustry.org រួចបំពេញបែបបទស្នើសុំអាជ្ញាប័ណ្ណដោយភ្ជាប់ឯកសារដែលមានការទទួលស្គាល់ស្របច្បាប់។
សម្រាប់ការទូទាត់ថ្លៃអាជ្ញាប័ណ្ណតាមប្រព័ន្ធអនឡាញវិញ គឺគេអាចធ្វើឡើងតាមរយៈប្រព័ន្ធវីង (Wing)។ ជាមួយគ្នាក្រសួងក៏បានបញ្ជាក់ដែរថា អ្នកដែលចង់បានអាជ្ញាប័ណ្ណ ក៏បានបន្តអនុវត្តនីតិវិធីស្នើសុំអាជ្ញាប័ណ្ណតាមនីតិវិធីចាស់ ដោយការដាក់ពាក្យដោយផ្ទាល់ រហូតដល់ថ្ងៃទី១ ខែមករា ឆ្នាំ២០១៦៕
