នារីម្នាក់បើករថយន្តធ្លាក់ចូលប្រឡាយទឹកឈ្លក់ស្លាប់
សារព័ត៌មាន Cambodia News/
ភ្នំពេញ (២៥ មីនា ២០១៥) ៖ កាលពីវេលាម៉ោងជិត១២ យប់ថ្ងៃទី២២ ខែមីនា នារីម្នាក់បើករថយន្ដឡិចស៊ីសRX300 ពណ៌សធ្លាក់ ចូលប្រឡាយទឹក រហូតឈ្លក់ស្លាប់ស្ថិត នៅ ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ ។
នារីដែលស្លាប់ សង្ស័យស្រវឹងស្រាបើករថយន្ត Luxus RX300 ព៌ណស ធ្លាក់ប្រឡាយទឹកនៅសង្កាត់ក្រាំងធ្នង់នេះ ឈ្មោះ ឡាយ ហៀង អាយុ២៤ឆ្នាំ ជាស្ត្រីមេម៉ាយ មានទីលំនៅក្នុងសង្កាត់ទឹកល្អក់៣ ខណ្ឌ ទួលគោក និងមានស្រុកកំណើតនៅស្រុកពាមជរ ខេត្តព្រៃវែង។
ប្រភពព័ត៌មានពីសាច់ញាតិនារីរងគ្រោះ បានរៀបរាប់ពីដំណើររឿងថា ជនរងគ្រោះបានទៅហូបអីនៅហាង យូឡាវមី ស្ថិតនៅសង្កាត់ ក្រាំងធ្នង់លុះពេល ហូបនឹងផឹករួច ស្ដ្រីរងគ្រោះបានសុំ ចេញ មកមុនពេលបើកដល់ មាត់ប្រឡាយ ទឹកស្អុយស្រាប់ ដោយមានអការ ស្រវឹងផងនោះ ក៏ធ្លាក់ ក្នុងទឹកប្រឡាយ។
ក្រោយការស្រង់រថយន្ត ចេញពីទឹក ស្រ្តីរងគ្រោះបានស្លាប់បាត់ ទៅហើយ នៅក្នុងរថយន្តនោះ សមត្ថកិច្ចនៅមិនទាន់សន្និដ្ឋានថានារីដែលស្លាប់នៅក្នុងរថយន្តឡិចស៊ីសRX300 ពណ៌ស ដែលធ្លាក់ចូលក្នុងប្រឡាយទឹកថាជាករណីចរាចរណ៍បើកធ្លាក់ប្រឡាយ ឬជាករណីឃាតកម្មនោះទេ ដោយសារនៅកន្លែងកើតហេតុមានស្ថានភាពងងឹត ពិបាកក្នុងការធ្វើកោសលវិច័យ ក៏ដឹកសាកសពទៅតម្កលនៅវត្តទឹកថ្លា ដើម្បីពិនិត្យបន្ត៕
