សិស្ស ថ្នាក់ទី ៩ មិនចេះ ចែកលេខ ត្រូវគ្រូ ថតវីដេអូ បង្ហោះពេញ ហ្វេសប៊ុក
សារព័ត៌មាន Cambodia News/
អត្ថបទ៖ ហេង នាង/
ភ្នំពេញ (២៥ មីនា ២០១៥) ៖ កាលពីពេលថ្មីៗនេះ មាន វីដេអូខ្លីមួយខ្សែ ដែលថត ឡើង នៅក្នុង ថ្នាក់រៀនមួយកន្លែង នៃស្រុកខ្មែរ កំពុងតែទទួលការ ចែកចាយ យ៉ាង ព្រោងព្រាត ក្នុងសង្គម ហ្វេសប៊ុក ជាមួយនឹង សេចក្ដីមិនពេញចិត្ដ នឹងទង្វើររបស់ លោកគ្រូម្នាក់។
បើយោងទៅតាម វីដេអូ បានបង្ហាញ ឲ្យឃើញ ពីសិស្សប្រុសរៀនថ្នាក់ ទី ៩ ម្នាក់ នៃសាលារៀន មួយកន្លែង ដែលមិនបញ្ចេញឈ្មោះ សាលា ត្រូវបាន គ្រូបង្រៀនរបស់ខ្លួន ថតជាវីដេអូ និងបង្ហោះតាម ហ្វេសប៊ុក ដោយសារតែពុំ ចេះចែកលេខ។
យ៉ាងណាមិញ មានទស្សនៈជាច្រើន បានលើកឡើងថា ទោះបីជា សិស្សនេះ រៀនពុំចេះ បែបណា ក៏មិនគួរ ថតជា វីដេអូ និងផ្សព្វផ្សាយជា សាធារណៈផងដែរ ដែលនេះ ជាអំពើ អសីលធម៌ និង មិនសាកសម ក្នុងនាម ជាគ្រូបង្រៀន ដែលទទួលការអប់រំ នោះទេ៕
