ក្រសួងអប់រំបង្កើតទំព័រហ្វេសប៊ុក ឲ្យពលរដ្ឋបញ្ចេញយោបល់លើវិស័យអប់រំ
សារព័ត៌មាន Cambodia News/
ភ្នំពេញ (០៨ តុលា ២០១៤) ៖ ក្រសួងអប់រំយុវជន និងកីឡា បានបង្កើតទំព័រហ្វេសប៊ុកថ្មីមួយទៀត ដែលមានឈ្មោះថា “YourVoice” ឬមតិអ្នក ដែលមានអាស័យដ្ឋាន https://www.facebook.com/events/1519522731625152/ ដើម្បីឲ្យមជ្ឈដ្ឋានទូទៅ ពិសេសប្រជាពលរដ្ឋ បញ្ចេញយោបល់លើវិស័យអប់រំ នៅកម្ពុជា។
ទំព័រហ្វេសប៊ុកនេះ អាចឲ្យមជ្ឈដ្ឋាននានា ជាផ្ដល់រូបភាព និងយោបល់ផ្សេងៗ ពាក់ព័ន្ធនឹងវិស័យអប់រំ យុវជន និងកីឡា ហើយក្រុមការងារ ទំព័រហ្វេសប៊ុកក្រសួងអប់រំ រក្សាសិទ្ធិក្នុងការបន្ថែម ជ្រើសរើសផ្សាយបន្ត ផ្សាយឡើងវិញ ឬលុបចោលព័ត៌មាននានា ប្រសិនបើមិនពាក់ព័ន្ធ តាមការចាំបាច់ដោយពុំមានការជូនដំណឹងជាមុន។
ដោយឡែក រាល់ខ្លឹមសារលើទំព័រហ្វេសប៊ុក“YourVoice” ឬមតិអ្នក គឺស្ថិតក្រោមអាជ្ញាប័ណ្ណ Creative Commons Attribution-NonCommercial-ShareAlike 3.0 License (CC BY 3.0)៕
