សិស្សប្រឡងបាក់ឌុប អាចមើលលទ្ឋផលតាមគេហទំព័រ និងហ្វេសបុករបស់ក្រសួងអប់រំ
សារព័ត៌មាន Cambodia News/
ភ្នំពេញ (២៩ សីហា ២០១៤) ៖ នៅរសៀលម៉ោង២ ថ្ងៃទី២៩សីហានេះ លទ្ឋផលប្រលងមធ្យមសិក្សាទុតិយភូមិ ឬបាក់ឌុបនឹងត្រូវក្រសួងយុវជននិងកីឡា ប្រកាសលទ្ធផលនៅតាមមណ្ឌលនីមួយៗ សម្រាប់បេក្ខជនប្រលងនៅភ្នំពេញ និងខេត្តកណ្ដាល។
លទ្ឋផលប្រលងបាក់ឌុប ក្រៅពីការប្រកាសនៅតាមមណ្ឌលនីមួយៗហើយ បេក្ខជនប្រលងបាក់ឌុបក៏អាចមើលបានតាមរយៈគេហទំព័រ និងបណ្ដាញសង្គមហ្វេសបុករបស់ក្រសួងអប់រំផងដែរ។
គេហទំព័រក្រសួងអប់រំ ដែលមានអសយដ្ឋានwww.moeys.gov.kh និងបណ្ដាញសង្គមហ្វេសប៊ុករបស់ក្រសួងអប់រំ www.facebook.com/moeys.gov.kh។
បញ្ជីលទ្ឋផលឈ្មោះរបស់បេក្ខជនជាប់ ឬធ្លាក់ក៏នឹងបង្ហាញលើទំព័រទាំងនេះ ទាំងអស់សម្រាប់មណ្ឌលភ្នំពេញ និងខេត្តកណ្ដាលនៅថ្ងៃនេះ។ ចំណែកបេក្ខជន២៣ខេត្តផ្សេងទៀត ក៏ត្រូវបានបង្ហោះនៅលើទំព័ររបស់ក្រសួងអប់រំនៅថ្ងៃស្អែកតាមម៉ោងដដែល៕
