សេដ្ឋកិច្ចប្រទេសកូរ៉េខាងត្បូងនឹងមានការធ្លាក់ចុះក្នុងឆ្នាំនេះ
ប្រទេសកូរ៉េខាងត្បូងបានទម្លាក់នូវតួ លេខនៃការព្យាករកំណើនសេដ្ឋកិច្ចរបស់ខ្លួនមកត្រឹមតែ ២,៣ ភាគរយប៉ុណ្ណោះវិញ ដោយធ្វើការបន្ទោសទៅលើទីផ្សារនាំចេញដែលមានភាពទន់ខ្សោយ និងការធ្លាក់ចុះនូវតម្លៃរូបិយប័ណ្ណយ៉េនរបស់ជប៉ុន។
ការធ្លាក់ចុះនេះ បើធៀបទៅនឹងការព្យាករលើកមុនដែលប៉ាន ប្រមាណថាមានកំណើនដល់ទៅ៣ភាគរយ ហើយក៏ទាបជាងការប៉ាន់ស្មានរបស់ធនាគារកណ្តាលដែលទស្សន៍ទាយថាមាន ការកើនឡើង ២,៨ភាគរយ។
រដ្ឋមន្ត្រីក្រសួងហិរញ្ញវត្ថុ ប្រទេសនេះបាននិយាយថាលក្ខខណ្ឌនៃការប្រើប្រាស់ក្នុងស្រុក និងការវិនិយោគក៏មានភាពទន់ខ្សោយផងដែរ។
រដ្ឋា ភិបាលប្រទេសកូរ៉េខាងត្បូងអាចនឹងដាក់ចេញនូវវិធានការថ្មីទៀត ដោយរួមទាំងកិច្ចខិតខំប្រឹងប្រែងក្នុងការលើកកម្ពស់ទីផ្សារ អចលនទ្រព្យផង៕ (Radio Australia)