ព្រឹកស្អែកស្ពានជ្រោយចង្វា ត្រូវបានបិទការឆ្លងកាត់ ដើម្បីធ្វើការជួសជុល
សារព័ត៌មាន Cambodia News/
ភ្នំពេញ(១៤ សីហា ២០១៤) ៖ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ លោក សំា ពិសិដ្ឋ បានប្រាប់ឱ្យដឹង នៅព្រឹក ថ្ងៃព្រហស្បត្ត៏ ទី១៤ ខែសីហា ឆ្នាំ២០១៤នេះថា ស្ពានមិត្តភាព-កម្ពុជាជប៉ុន ឬ ស្ពានជ្រោយចង្វា (ចាស់) នឹងត្រូវបិទ មិនឲ្យមានការឆ្លងកាត់បណ្តោះអាសន្នចាប់ពីព្រឹកថ្ងៃទី១៥ សីហាស្អែកនេះ ដើម្បីជួសជុលឡើងវិញ។
ការបិទបណ្តោះអាសន្ននៅព្រឹកថ្ងៃសុក្រស្អែកនេះ ធ្វើឡើងបន្ទាប់ពីចំណុចមួយចំនួននៃតួស្ពានជ្រោយចង្វាចាស់បានត្រូវគេឃើញមានស្នាមប្រេះ ហើយកន្លងមកអាជ្ញាធរក៍បានហាមរថយន្តដឹកធ្ងន់បើកឆ្លងកាត់ផងដែរ៕
