បុរស ដែលតាំងខ្លួនជាព្រះសិអារ្យមេត្រីយ៍ បានចូលខ្លួនមកសាលាខេត្តកណ្ដាលហើយ
សារព័ត៌មាន Cambodia News/
កណ្ដាល (០៦ សីហា ២០១៤) ៖ ក្នុងពេលមួយរយៈកន្លងមកនេះ មានបុរសម្នាក់ឈ្មោះ ធាន វុទ្ធី ដែលបានតាំងខ្លួនជា ព្រះសិអារ្យមេត្រីយ៍ នឹងធ្វើឲ្យល្បីកក្រើកក្នុងប្រទេសកម្ពុជាដោយមានទាំងព្រះសង្ឃនិងប្រជាជនខ្លះបានជឿនិងគោរពថ្វាយបង្គំផងដែរ ហើយមិនតែប៉ុណ្ណោះក៏លេចធ្លាយឈ្មោះរហូតដល់ប្រទេសថៃថែមទៀត ដែលនាំឲ្យមន្ត្រីថៃប្រកាសមិនឲ្យប្រជាពលរដ្ឋខ្លួនជឿលើការឃោសនានេះ។
ការល្បីក្នុងការឆបោកនេះ បានធ្វើឲ្យមានប៉ះពាល់យ៉ាងខ្លាំងដល់សាសនារបស់ជាតិ រហូតសម្ដេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បញ្ជាឲ្យចាត់ការលើជនឆបោករូបនេះ។
មកថ្ងៃទី០៦ សីហានេះ លោក ធាន វុទ្ធី ដែលបានតាំងខ្លួនជា ព្រះសិអារ្យមេត្រីយ៍បានចូលខ្លួនតាមការអញ្ជើញរបស់អភិបាលខេត្តកណ្ដាលពេលនេះកំពុងស្ថិតក្នុងការសាកសួរពីមន្ត្រីក្រសួង និងអាជ្ញាធរមានសមត្ថកិច្ច៕
