ប៉ូលីសថៃបីនាក់ត្រូវបានបាញ់សម្លាប់នៅភាគខាងត្បូងប្រទេសថៃ
សារព័ត៌មាន Cambodia News/
ថៃ (១២ កក្កដា ២០១៤) ៖ បើតាមការចុះផ្សាយនៅលើគេហទំព័រ AFP បានឱ្យដឹងថា ប៉ូលីសថៃចំនួន៣នាក់ ត្រូវបានសម្លាប់ដោយសារតែការបាញ់ប្រហារពីជនមិនស្គាល់មុខ។ ហេតុការណ៍នេះ បានកើតឡើងកាលពីយប់ថ្ងៃព្រហស្បត្ដិ៍ ស្ថិតក្នុងខេត្ដ យ៉ាឡា ប្រទេសថៃ បន្ទាប់ពីពួកគេត្រឡប់មកពីចូលរួមក្នុងពីធីបួងសួងមួយ។ ទាក់ទងនៅនឹងជនលួចបាញ់ប្រហារខាងលើ ត្រូវគេសង្ស័យថា ជាក្រុមសកម្មប្រយុទ្ធមូស្លីមនៅភាគខាងត្បូងប្រទេសថៃ ដែលតែងតែបង្កការវាយប្រហារជាញឹកញាប់។
គួរបញ្ជាក់ថា មានមនុស្សប្រមាណជាង៦ពាន់នាក់ហើយ ត្រូវបានសម្លាប់នៅតំបន់ភាគខាងត្បូងប្រទេស ដែលជាតំបន់ព្រំដែនជាមួយប្រទេសម៉ាឡេស៊ី ហើយវាក៏ជាទីតាំងនៃពួកមូស្លីមផងដែរ។ ចំនួនអ្នកដែលស្លាប់នេះ បានចាប់ផ្ដើមឡើងតាំងពីឆ្នាំ២០០៤មកម្លេះ៕
