ទំនាស់អាស្រូវផ្ទៃក្នុងរវាង CNC និង CTN ផ្អើលពេញហ្វេសប៊ុក
សារព័ត៌មាន Cambodia News/
ភ្នំពេញ(០២ កក្កដា ២០១៤) ៖ រឿងរ៉ាវទំនាស់ទាស់ទែងផ្ទៃក្នុង របស់ស្ថានីយ៍ទូរទស្សន៍ ដ៏ល្បីល្បាញក្នុងស្រុក គឺស្ថានីយ៍ ទូរទស្សន៍ CTN និង CNC ដែលដឹកនាំ ដោយ លោក គិត ម៉េង មហាសេដ្ឋីវ័យក្មេង និងជា ប្រធាន សភាពពាណិជ្ជកម្ម កម្ពុជា បានកន្លងផុតទៅជិត មួយសប្តាហ៍ទៅនេះ នៅតែមិនទាន់ស្ងប់។
អ្នកលេង ហ្វេសបុក បង្ហោះជាសាធារណៈ និងShare ចែកចាយគ្នា យ៉ាងច្រើនកុះកុញ ដោយបានលាតត្រដាង ថា លោក ហ៊ុយ វណ្ណៈ បានយកកាំភ្លើង ភ្ជង់ក្បាល លោក រស់ ឌីណា ដោយតែខឹង ត្រលោតតោតទោង លើពាក្យសម្តីគ្នានោះ បានធ្វើឱ្យផ្អើល លោកអ្នកឧញ៉ាគិត ម៉េង ចេញមុខ ដោះស្រាយ។
តាមអ្នកលេង ហ្វេសបុក បានធ្វើការផ្សព្វផ្សាយថា ទំនាស់ដ៏ក្តៅគគុកនេះ បានផ្ទុះចេញឡើង កាលពីថ្ងៃសុក្រ ទី២៧ ខែមិថុនា ឆ្នាំ២០១៤ កន្លងទៅ នាពេលថ្មីៗនេះ គឺនៅពេលនោះ បុគ្គលិកម្នាក់ របស់ក្រុមការងារ ស្ថានីយ៍ទូរទស្សន៍ CTN បានទៅទាក់ទងយក សម្ភារៈប្រើប្រាស់ ការិយាល័យ CNC ដែលទើបត្រូវបានបង្កើតថ្មី គ្រប់គ្រងដោយ លោក ហ៊ុយ វណ្ណៈ។
ទោះជាយ៉ាងណា រឿងអាស្រូវនេះ គ្រាន់តែជាការទម្លាយ របស់អ្នកលេងហ្វេសបុក ក្នុងសង្គមប៉ុណ្ណោះ គេហទំព័រ យល់ដឹង មិនអាច ទាក់ទង សូមការបំភ្លឺពីលោក ហ៊ុយ វណ្ណៈ និងលោក រស់ ឌីណា ជាមួយនឹង អ្នកឧញ៉ាគិត ម៉េង មកបំភ្លឺ ជុំវិញបញ្ហា តាមការអះអាង និងបង្ហោះចែកចាយ របស់អ្នកលេងហ្វេសបុក នៅឡើយ នាថ្ងៃទី២ ខែកក្កដា ឆ្នាំ២០១៤នេះ៕
