បុរសម្នាក់ចងកសម្លាប់ខ្លួន ព្រោះខឹងប្រពន្ធមិនឲ្យមើលទូរទស្សន៍
សារព័ត៌មាន Cambodia News /
ភ្នំពេញ (២៨ មិថុនា ២០១៤) ៖ កាលពីល្ងាចថ្ងៃទី២៧ ខែមិថុនា បុរសម្នាក់ បានដាច់ចិត្តចងក បញ្ចប់ជីវិត របស់ខ្លួន នៅក្នុងបន្ទប់ជួល ដែលស្ថិតនៅក្នុងបរិវេណ រោងចក្រដំបូលខៀវ ក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
សេចក្តីរាយការណ៍ ពីសាក្សីនៅកន្លែងកើតហេតុ បាននិយាយថា មូលហេតុដែលនាំឱ្យបុរសរូបនេះ ចងកបញ្ចប់ជីវិត ព្រោះតែឈ្លោះទាស់ទែង ជាមួយប្រពន្ធរបស់ខ្លួន រឿងដណ្តើមគ្នា មើលទូរទស្សន៍ ពោលប្រពន្ធ ឱ្យបិទទូរទស្សន៍ តែប្តីចង់មើលតទៅទៀត ។
ជនរងគ្រោះ ឈ្មោះ នេត សៅ អាយុ ៥០ឆ្នាំ មុខរបរបេះក្រអៅឈូកលក់ មានសុ្រកកំណើតនៅខេត្តកំពង់ស្ពឺ បានយកខ្សែពួរ ចងក សម្លាប់ខ្លួននៅក្នុងបន្ទប់ជួល ។
បើតាមសមត្ថកិច្ច នៅពេលដែលកូនរបស់ជនរងគ្រោះ ត្រឡប់មកពីធ្វើការរោងចក្រ អើតមើលទៅខាងក្នុងផ្ទះ ស្រាប់តែឃើញជនងគ្រោះ ចងក ក៏ធាក់ទ្វារចូល ប៉ុន្តែជនរងគ្រោះ បានស្លាប់បាត់ទៅហើយ ៕
