តេង លក្ខិណា ត្រៀមបង្ហាញតំណែងថ្មី
សារព័ត៌មាន Cambodia News/
ភ្នំពេញ (២៣ មិថុនា ២០១៤) ៖ ពិធីការិនី ដែលធ្លាប់ជ្រកក្រោមកម្មវិធីប្រគំតន្ត្រី A1 របស់ទូរទស្សន៍ម៉ាយធីវី យូរឆ្នាំមកហើយនោះ នាងតេង លក្ខិណា បានបាត់មុខពីកញ្ចក់ទូរទស្សន៍របស់នាងជាច្រើនសប្តាហ៍មកហើយ ដោយការបាត់មុខនោះត្រូវគេល្បីថា នាង មានស្នេហាក្នុងរឿងស្នេហ៍ចំភេទដូចគ្នា ។
ស្រីស្អាត តេង លក្ខិណា មិនបានដកខ្លួនពីពិភពសិល្បៈទាំងស្រុងឡើយ នាងបានសម្ងំចេញថតអឹមវីនៅក្រៅប្រទេសជាមួយបទចម្រៀងថ្មីៗ ព្រោះនាងបានប្តូរ អាជីពពិធីការិនីទៅជាតារាចម្រៀងប្រចាំផលិតកម្ម M ស្ងាត់ៗបាត់ទៅហើយ ។
តេង លក្ខិណា បានទម្លាយអាថ៌កំបាំងបាត់មុខពីពិភពសិល្បៈមួយរយៈកន្លងមកភ្លាមៗ ក្នុងពេលដែលនាងធ្លាប់លេចឮពាក្យចចាមអារ៉ាមរឿងសម្ព័ន្ធស្នេហ៍ភេទដូចគ្នាជាមួយម្ចាស់ផលិតកម្មអឹមយូរមកហើយ ។
យ៉ាងណាក៏ដោយ ពេលនេះតេង លក្ខិណា បានចូលទៅបម្រើការងារជាអ្នកចម្រៀងក្នុងផលិតកម្មអឹម និងមានភាពភ្ញាក់ផ្អើលមិនស្ទើរនោះទេ ដែលតារាធ្លាប់តែបញ្ចេញវោហារស័ព្ទលើកញ្ចក់ទូរទស្សន៍រូបនេះ ក្លាយជាអ្នកចម្រៀងប្រជែងគេឯង ដូចតារាចម្រៀងមួយចំនួននោះ ព្រោះតែនាងបង្ហើបថា មានបទចម្រៀងផ្ទាល់ខ្លួនថតចប់ត្រៀមចេញលក់ពេលខាងមុខទៀតផង៕
