អ្នកលេងហ្វេសប៊ុក ប្រតិកម្មនឹងសារព័ត៌មានCNN ផ្សាយខុសថា ប្រាសាទអង្គរវត្ត ជារបស់ថៃ
សារព័ត៌មាន Cambodia News/
ភ្នំពេញ (១៩ មិថនា ២០១៤) ៖ សារព័ត៌មានដ៏ល្បីល្បាញ របស់អាមេរិក CNN នៅថ្ងៃពុធនេះ បានទទួលរងការរិះគន់យ៉ាងចាស់ដៃ ពីក្រុមបណ្តាញអ្នកលេងហ្វេសប៊ុកកម្ពុជា ដោយសារតែទំព័រនេះ បានចុះផ្សាយខុស ថា ប្រាសាទអង្គរវត្ត ជារបស់ថៃ ។
សារព័ត៌មាន CNN បានសរសេរជាភាសាអង់គ្លេសថា ” Thailand’s Angkor Wat is only no. 6 – so what’s the world’s top landmark?” ដែលមានន័យជាភាសាខ្មែរថា“ប្រាសាទអង្គរវត្តរបស់ថៃ ជាប់លេខ៦ ដូច្នេះតើសម្បត្តិបេតិកភណ្ឌពិភពលោកណាជាប់លេខ១”? ការចុះផ្សាយខុស យ៉ាងធ្ងន់ធ្ងររបស់សារព័ត៌មានអន្តរជាតិមួយនេះ ជាហេតុនាំឲ្យអ្នកលេងហ្វេសប៊ុកកម្ពុជាផ្ទុះកំហឹងយ៉ាងខ្លាំង និងបានសរសេរcomment ជាមួយនឹងទំព័រខាងលើថា មិនមែនជារបស់ថៃនោះទេ ជារបស់កម្ពុជា ។
គួរបញ្ជាក់ថា ប៉ុន្មាននាទី ក្រោយគេក៏ឃើញថា ទំព័រនេះ បានដូរទៅជា “Cambodia’s Angkor Wat is only no. 6 – so what’s the world’s top landmark?” គឺប្រាសាទអង្គរវត្តរបស់កម្ពុជា ជាប់លេខ៦ ដូច្នេះតើសម្បត្តិបេតិកភណ្ឌពិភពលោកណាជាប់លេខ១”? វិញ៕ 
