ការដង្ហែក្បួនតវ៉ារបស់កម្មករ រោងចក្រអូសេអង់ ត្រូវបានកម្លាំងសមត្ថកិច្ច
សារព័ត៌មាន Cambodia News/
ភ្នំពេញ (០៥ មិថុនា ២០១៤) ៖ នៅព្រឹកថ្ងៃទី០៥ ខែមិថុនា នេះកម្មករប្រមាណជា៤០០នាក់ នៅរោងចក្រអូសេអង់ ស្ថិតនៅភូមិព្រៃទា សង្កាត់ចោមចៅ ខណ្ឌពោធិ៍សែនជ័យ បានដង្ហែក្បួនជាលើកទី២ មកកាន់ក្រសួងការងារបន្ទាប់ពីកិច្ចចរចាពហុភាគីរវាងថៅកែរោងចក្រ កម្មករ និងមន្ត្រីក្រសួងការងារ បានបរាជ័យកាលពីថ្ងៃម្សិលមិញ ។
ដង្ហែក្បួនជាលើកទី២ របស់ កម្មកររោងចក្រអូសេអង់ ដើម្បីសុំអន្តរាគមន៍ នៅក្រសួងការងារពាក់ព័ន្ធនឹងការទាមទារប្រាក់ឈ្នួលអំឡុងពេល ព្យួរការងារ នៅម៉ោងជិត៨ព្រឹកនេះ ត្រូវបានកម្លាំងសមត្ថកិច្ច រារាំង។
ក្រោយការរារាំងនេះ កម្មករបានសម្រេចអង្គុយនៅនឹងកន្លែងដោយលើកបដាទាមទារ ខណៈដែលមន្ត្រីក្រសួងការងារ បានចុះមកសម្របសម្រួលឲ្យមានកិច្ចចរចាជាថ្មីនៅព្រឹកនេះ និងប្រាប់ឲ្យកម្មកររង់ចាំដំណោះស្រាយ៕
