កម្ម ការិនីរោងចក្រស្បែកជើងហ៊ុយជៀនដួលសន្លប់ជិត ៥០នាក់ជាលើកទី២
សារព័ត៌មាន Cambodia News/
ភ្នំពេញ (០៣ មិថុនា ២០១៤) ៖ រោងចក្រស្បែកជើងយីហោ ហ៊ុយ ជៀន មានទីតាំងនៅតាមបណ្ដោយ ផ្លូវជាតិលេខ១ ក្នុងភូមិជ្រោយអំពិល សង្កាត់ក្បាលកោះ ខណ្ឌមានជ័យ រាជធានីភ្នំពេញ បានកើតមានភាពជ្រួលច្របល់ សាជាថ្មី ដោយសារកម្មការិនីធ្វើការនៅ ក្នុងរោងចក្រប្រមាណជិត៥០នាក់បាន ដួលបន្លប់ជាបន្ដបន្ទាប់ជាលើកទី២ ។
ហេតុ ការណ៍ខាងលើនេះបានកើតឡើង នៅវេលាម៉ោង៩ព្រឹក ថ្ងៃទី៣ ខែមិថុនា ឆ្នាំ២០១៤ នៅក្នុងអគាររោងចក្រទាំងថ្មី និងចាស់ នៅគ្រាដែលកម្មការិនីទាំង អស់កំពុងបំពេញការងារ ។ ការដួលសន្លប់ជាបន្ដបន្ទាប់ ដោយអ្នកខ្លះ បញ្ចូកអុកស៊ីសែន អ្នកខ្លះត្រូវបានខាង រោងចក្រជួយសង្គ្រោះនៅទីនោះ ចំណែក អ្នកមានសភាពធ្ងន់ធ្ងរ មួយចំនួនដឹកមក សង្គ្រោះនៅមន្ទីរពេទ្យបង្អែកកៀនស្វាយ និងខ្លះទៀតនៅមណ្ឌលសុខភាពក្បែររោងចក្រ និងមួយចំនួនទៀតដឹកទៅសង្គ្រោះ នៅមន្ទីរបង្អែកមានជ័យ ។
ពាក់ ព័ន្ធទៅនឹងកម្មករការដួលសន្លប់ ជាបន្ដបន្ទាប់នេះដែរ លោក មាស ហ៊ែល នាយនគរប៉ុស្ដិ៍ស្ដីទីក្បាលកោះ បានឱ្យដឹង ថា យោងតាមមន្ដ្រីជំនាញ ករណីដួល សន្លប់នោះមានកត្ដា៣យ៉ាង ទី១-កម្មករ កម្មការិនីខ្វះជាតិស្ករ, ទី២-នៅក្នុងរាង កាយហូបមិនគ្រប់គ្រាន់ខ្វះរេហ្ស៊ីល និង ទី៣-បណ្ដាលមកពីបរិស្ថានក្នុងរោងចក្រ៕
