កម្មកររោងចក្រ ហ៊ុយជៀន ដួលសន្លប់ ជិត ៥០នាក់
សារព័ត៌មាន Cambodia News/
ភ្នំពេញ (៣០ ឧសភា ២០១៤) ៖ នៅព្រឹកថ្ងៃទី៣០ ខែឧសភា ឆ្នាំ២០១៤ ក្រុមកម្មករ រោងចក្រផលិត ស្បែកជើង ដែលមានយីហោ ហ៊ុយជៀន ស្ថិតនៅ ភូមិជ្រោយអំពិល សង្កាត់ក្បាលកោះ ខណ្ឌមានជ័យ បានដួលសន្លប់ ជិត៥០នាក់ ជាបន្តបន្ទាប់ ដោយសារតែអាកាសធាតុក្តៅ ហួតហែងខ្លាំង ទើបធ្វើឲ្យ ពួកគេ ទ្រាំមិនបាន។
លោក យ៉ាន់ រ័ត្ន មន្រ្តីសហជីពសេរីកម្មករ នៃព្រះរាជាណាចក្រកម្ពុជា បានឲ្យដឹងថា មូលហេតុ ដែលបណ្តាលឲ្យកម្មករដួលសន្លប់នេះមកពីអាកាសធាតុក្តៅ ពេកទើបបណ្តាលឲ្យកម្មករដួលសន្លាប់តែម្តង។
លោក យ៉ាន់ រ័ត្ន មន្រ្តី បន្ថែមថា បន្ទាប់ពីមានកម្មករដួលសន្លប់ កម្មករ ត្រូវបានដឹកបញ្ជូន ទៅកាន់មន្ទីរក្បាលកោះ គគីរ ហើយរហូត មកដល់ ម៉ោងប្រមាណជា១១ថ្ងៃទី៣០ ខែឧសភា ស្ថានភាពពួកគេបានធូរស្រាលខ្លះៗហើយ ដោយមានអ្នកខ្លះ ចេញពីពេទ្យទៅសម្រាក់នៅផ្ទះ៕
