ក្រុមយោធាថៃ ប្រកាសព្រមាន បង្ក្រាបរាល់ការប្រមូលផ្តុំតវ៉ា
សារព័ត៌មាន Cambodia News/
ថៃ (២៨ ឧសភា ២០១៤) ៖ ចាប់តាំងពីយោធាធ្វើរដ្ឋប្រហារតាំងពីថ្ងៃទី២២ ខែឧសភាមក មេដឹកនាំយោធាថៃដែលកើតចេញពីការធ្វើរដ្ឋប្រហារ បន្ទាប់ពីទទួលបានការអនុញ្ញាតពីព្រះរាជា ក្នុងការដឹកនាំប្រទេសរៀបចំស្ថានភាពនយោបាយនោះ បានប្រកាសព្រមានថា នឹងបង្ក្រាបរាល់ការប្រមូលផ្តុំតវ៉ានានាប្រឆាំងរដ្ឋាភិបាលរបស់លោក។
សារព័ត៌មានបាងកកប៉ុស្តិ៍ ចុះផ្សាយថា យោធាទៅបំបែកការប្រមូលផ្តុំរបស់ក្រុមអាវក្រហម នៅខេត្តភាគជើងនេះ ដើម្បីបង្ការការតវ៉ារបស់ក្រុមនេះ ប្រឆាំងរដ្ឋាភិបាលយោធា ដែលកើតចេញពីការធ្វើរដ្ឋប្រហារ។
យោធាថៃនៅថ្ងៃអង្គារម្សិលមិញ បានឆ្មក់ចូលក្នុងមូលដ្ឋានរបស់ក្រុមអាវប្រហម ជាក្រុមដែលធ្វើសកម្មភាពតវ៉ាដើម្បីគាំទ្រអតីតនាយករដ្ឋមន្ត្រី បណ្តេញចេញពីតំណែងមានលោកស្រី យីងឡាក់ និងបងប្រុសរបស់លោកស្រីគឺលោក ថាក់ស៊ីន។
រដ្ឋាភិបាលយោធាបានប្រកាសទុកពេល ឲ្យបាតុករ ដែលកំពុងប្រមូលផ្តុំ១ឬ២ថ្ងៃទៀតហើយ បើពួកគេនៅតែមានការប្រមូលផ្តុំនៅតាមផ្លូវទៀតលើសពីការកំណត់នេះ អាចនឹងត្រូវចាប់ដាក់ពន្ធនាគារ២ឆ្នាំ៕
