ឡានបុកម៉ូតូ ស្លាប់ម្នាក់ រួចគេចបាត់
សារព័ត៌មាន Cambodia News
ភ្នំពេញ(26 ឧសភា 2014) ៖ កាលពីម៉ោង៧និង១០នាទីយប់ថ្ងៃ ទី២៥ ខែឧសភា ឆ្នាំ២០១៤ នៅមុខក្លិបរស្មីពេជ្រនិល តាមផ្លូវជាតិលេខ៤ ក្នុងភូមិបឹងព្រៃ សង្កាត់កំបូល ខណ្ឌពោធិ៍សែនជ័យ។
មុនពេលកើតហេតុ គេឃើញរថយន្តកុងតឺន័រមួយគ្រឿង បើកបរតាមផ្លូវជាតិលេខ៤ ក្នុងទិសដៅកើតទៅលិច លុះទៅដល់ចំណុចកើតហេតុ ក៏បានបុកម៉ូតូ មួយគ្រឿងម៉ាក សេ១២៥ ស៊េរីឆ្នាំ២០១៤ មួយគ្រឿង ពណ៌ខ្មៅ ពាក់ស្លាកលេខ ភ្នំពេញ 1CI-9765 ជិះម្នាក់ឯង ដោយបុរសម្នាក់ បើកឆ្លងផ្លូវពីត្បូងទៅជើង បណ្តាលឱ្យស្លាប់ភ្លាមៗនៅកន្លែងកើតហេតុតែម្តង។
ក្រោយពេលកើតហេតុ រថយន្តកុងតឺន័របានព្យាយាមបើករត់គេចបានដោយសុវត្ថិភាព។ ចំណែកឯសពជនរងគ្រោះត្រូវបានក្រុមគ្រួសារមកទទួលយកទៅធ្វើបុណ្យតាម ប្រពៃណី នៅឯវត្តដំបូកខ្ពស់ សង្កាត់បឹងទំពន់ ខណ្ឌមានជ័យ៕
