ព្រះមហាក្សត្រថៃ តែងតាំង ប្រាយុទ្ធ ចាន់អូចា ឲ្យដឹកនាំប្រទេស
សារព័ត៌មាន Cambodia News/
ថៃ (២៦ ឧសភា ២០១៤) ៖ យោងតាមគេហទំព័រ The Nation របស់ថៃ នៅថ្ងៃ ចន្ទ ទី ២៦ ខែ ឧសភានេះបានចុះផ្សាយឲ្យដឹងថា ឧត្តមសេនីយ៍ ប្រាយុទ្ធ ចាន់អូឆា មេបញ្ជាការកងទ័ពជើងគោកថៃ បានចូលគាល់ ព្រះមហាក្សត្រ ថៃ ដើម្បីទូលថ្វាយ ពីស្ថានការណ៍ប្រទេស នាពេលបច្ចុប្បន្ន ដែលកំពុងមានភាព តានតឹង នៅក្នុងទីក្រុងបាងកក។
កម្លាំងយោធា និង តម្រួត ដែលដឹកនាំដោយ លោក ប្រាយុទ្ធ បានសម្រេច ទាញយកអំណាច ពីរដ្ឋាភិបាលស៊ីវិល មកគ្រប់គ្រងប្រទេស (រដ្ឋប្រហារ) ចាប់តាំងពីវេលាម៉ោង ៤.៣០ នាទី ថ្ងៃទី ២២ ខែ ឧសភា កន្លងទៅនេះ ដើម្បី រក្សាសន្តិសុខ សណ្តាប់ធ្នាប់ និង ឯកភាពជាតិ។
យោងតាមកម្មវត្ថុខាងលើ ទើបព្រះមហាក្សត្រថៃ សម្រេចព្រះទ័យមានព្រះរាជឱង្ការ តែងតាំងលោក ប្រាយុទ្ធ ចាន់អូឆា ជាប្រធាន គណៈកម្មាការរក្សាសណ្តាប់ជាតិ មានអំណាចដឹកនាំ ប្រទេសចាប់ ពីថ្ងៃនេះ តទៅ ៕
