នាយ គ្រឿន កំពុងទទួលរងការវាយប្រហារ
សារព័ត៌មាន Cambodia News/
ភ្នំពេញ (២២ ឧសភា ២០១៤) ៖ ថ្មីៗនេះ នៅលើបណ្តាញសង្គមយក្សហ្វេសប៊ុក បាននឹងកំពុងអូស នាយគ្រឿន ឲ្យធ្លាក់ទឹក ដោយយកសម្តីកំប្លែង ដែលតារារូបនេះ លេងនៅផ្ទះលោតា ពន្យល់ពីពាក្យ “កិត្តិបណ្ឌិត” ដោយពន្យល់ទៅពន្យល់មកចេញជាអ្នកចេះចិញ្ចឹមកូនទា។
ការបកស្រាយនេះពិតជាធ្វើឲ្យ ផ្ទុះសំណើច ក៏ប៉ុន្តែ អ្នកងប់ នឹងរឿងនយោបាយប្រឆាំងផ្កាប់មុខ បែរជាយកសម្តីកំប្លែងរបស់គាត់ ច្រាស់នឹងកំប្លែង ឲ្យប៉ះពាល់ ដល់ងារជំទាវ ធំ ប៊ុន រ៉ានី ហ៊ុន សែន ដោយភ្ជាប់មកជាមួយនឹង រូបថត សម្តី កាត់ត បង្ហោះលើទំព័រហ្វេសប៊ុក ។
ធាតុពិតរឿងនេះ នាយ គ្រឿន មិនបានដឹងទាល់តែសោះឡើយ ជាធម្មតា តារារូបនេះ តែងតែយកពាក្យ ផ្សេងៗមកបកប្រែ បង្កើតជារឿងសំណើច ដោយគ្មានចេតនា ណាមួយ ឲ្យប៉ះពាល់ដល់ ថ្នាក់លើ ឬពាក់ព័ន្ធរឿងនយោបាយ និងក៏មិនចង់ឲ្យអាជីពដែលកំពុងរីករាលដាលទៅមុខ បាត់បង់ឡើយ ។
សូមបញ្ជាក់ផងដែរ នេះមិនមែនជា លើកទី ១ នោះទេ ដែលអ្នកសិល្បៈ ត្រូវបាន អ្នកលេងហ្វេសប៊ុក អូសទាញ ឲ្យជាប់ទាកទងនឹងរឿង នយោបាយ បន្ទាប់ពីនយោបាយជាប់គាំង ដោះស្រាយមិនទាន់រួចនៅឡើយ៕
