យុវជន ៣នាក់ ជាប់ចោទពាក់ព័ន្ធនឹងការរួមភេទជាមួយអនីតិជន
សារព័ត៌មានCambodia News/
ភ្នំពេញ (១៤ ឧសភា ២០១៤) ៖ កាលពីរសៀលថ្ងៃទី១៣ ខែឧសភា តំណាងអយ្យការ អមសាលាដំបូងរាជធានីភ្នំពេញបានសម្រេចចោទ ប្រកាន់យុវជន ៣នាក់ពីបទ «រួមភេទជាមួយអនីតិជន» បន្ទាប់ពីសង្ស័យថាបានលួងលោម និង នំានារីវ័យក្មេង២នាក់ អាយុក្រោម១៥ឆ្នាំ ទៅដេករួមភេទ នៅផ្ទះសំណាក់ នៅក្នុងរាជធានីភ្នំពេញ។
ប្រភពព័ត៌មានពី មន្រ្តីតុលាការបានឲ្យដឹងថា យុវជនសង្ស័យទាំង៣នាក់ ទី១ ឈ្មោះអ៊ីង សុវណ្ណខេមរា ហៅមាន អាយុ១៧ឆ្នាំ មានមុខរបរ ជាងកាត់សក់ ស្នាក់ខាងក្រោយមន្ទីរពេទ្យព្រះកុសុមៈ ស្ថិតនៅសង្កាត់ទឹកល្អក់១ ខណ្ឌទួលគោក ទី២ឈ្មោះហួន ច័ន្ទតារា ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់ផ្ទះលេខ៥F ផ្លូវលេខ១០១ សង្កាត់ទឹកថ្លា ខណ្ឌសែនសុខ និងទី៣ឈ្មោះសូវ ស្ទេវីន អាយុ១៨ឆ្នាំ សា្ន ក់នៅផ្ទះលេខ៣៩F ក្នុងបុរីសុខសាន្ត ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ប្រភពព័ត៌មានបន្តថា យុវជនសង្ស័យទាំង៣នាក់ខាងលើនេះ ត្រូវបានចាប់ឃាត់ខ្លួន ជាប់ពាក់ព័ន្ធនឹងការលួង លោមនារីរងគ្រោះចំនួន២នាក់ ក្នុងនោះ មានម្នាក់អាយុ១៤ឆ្នាំ និង មា្នក់ទៀត អាយុ១៣ឆ្នាំ ទៅរួមភេទ ចំនួន៤ ទៅ ៥ថ្ងៃ នៅក្នុងផ្ទះសំណាក់«ថ្ងៃល្អ» នៅក្នុងរាជធានីភ្នំពេញ កាលពីខែកុម្ភៈ កន្លងទៅ។
ប្រភពព័ត៌មានបានឲ្យដឹងទៀតថា ពួកគេត្រូវបានចាប់ខ្លួន បន្តបន្ទាប់នៅក្នុងរាជធានីភ្នំពេញ កាលពីថ្ងៃទី ១២ ខែ ឧសភា តាមពាក្យបណ្តឹងរបស់ឪពុកម្តាយរបស់នារីរងគ្រោះ និង បន្ទាប់ពីសមត្ថកិច្ចកងរាជអាវុធហត្ថ ធ្វើការស៊ើបអង្កេតអស់ពេល ជាច្រើនខែរួចមក។ ចំណែកយុវជនម្នាក់ទៀត ដែលជាប់ ពាក់ព័ន្ធក្នុងសំណុំរឿងនេះដែរនោះ បានរត់គេចខ្លួន៕
