ជិន ស្រីនុត មានបុរសអ្នកជំនួញម្នាក់ ត្រៀមទិញរថយន្តឲ្យ
សារព័ត៌មាន Cambodia News/
ភ្នំពេញ (២២ មេសា ២០១៤) ៖ ក្រោយពីបានឈានជើង ចូលប្រឡូកនៅក្នុងវិស័យលិស្បៈ រយៈពេលជាងពីរឆ្នាំមកនេះ តារាចម្រៀងវ័យក្មេង មានអាយុទើបតែជាង២០ឆ្នាំ កញ្ញា ជិន ស្រីនុត ហៅ លីនី បាននឹងកំពុងលេច មុខលេចមាត់ នៅក្នុងអាជីពជា អ្នកសិល្បៈតាមរយៈការ ចេញទៅច្រៀង នៅក្រៅប្រទេស និងច្រៀងឲ្យផលិតកម្ម ក្នុងស្រុកមួយចំនួន។
អ្វីដែលជាការចាប់អារម្មណ៍ខ្លាំង សម្រាប់តារាចម្រៀងរាងតូចច្រឡឹង លីនី នៅពេលនេះ គឺមានដំណឹងល្ហិចល្ហៀងមកថា មានប្រុសវ័យកណ្ដាលម្នាក់ បម្រុងទិញរថយន្ត ស៊េរីទំនើបមួយគ្រឿង ជាចំណងដៃបញ្ជាក់ចិត្តស្មោះ ចំពោះនាងក្រោយ ឱកាសឆ្នាំថ្មីនេះ។
យោងតាមប្រភពខាងលើ បានបង្ហើបឲ្យដឹងថា ជាតារាសម្តែង មានដើមកំណើត ចេញពីទឹកដី ខេត្តកំពង់ចាម កញ្ញា ជិន ស្រីនុត កំពុងមានទំនាក់ទំនងស្នេហា ជាមួយបុរសម្នាក់មានវ័យ ប្រហែលជាង៣០ឆ្នាំ ជាអ្នកជំនួញជួញដូរធំគួរសម មានទ្រព្យសម្បត្តិ ។
បើទោះបីជាយ៉ាងណាក៏ដោយ គេនៅមិនទាន់ដឹងថា តើទំនាក់ទំនងស្នេហា រវាងតារាស្រីកញ្ញា ស្រីនុត ជាមួយនឹងបុរសអ្នករស់នៅ ក្នុងស្រុកម្នាក់នេះ អាចឈានទៅដល់គោលដៅ នៃជីវិតអាពាហ៍ពិពាហ៍ ឬយ៉ាងណានៅឡើយទេ៕
