មេរោគEV-71បន្ដសម្លាប់កុមារកម្ពុជាបើគ្មានថ្នាំព្យាបាលនិង វ៉ាក់សាំងការពារ
កាលពីពេលថ្មីៗនេះ មន្ត្រីសុខាភិបាលប្រយុទ្ធប្រឆាំងជម្ងឺឆ្លងនៃក្រសួងសុខាភិបាលប្រទេសចិន លោកស្រី ស៊ូ ឡី បានលើកឡើងនៅក្នុងវគ្គបណ្ដុះបណ្ដាលស្ដីពី ប្រព័ន្ធតាមដានប្រកាសអាសន្នដល់ក្រុមឆ្លើយតបបន្ទាន់នៅទីស្ដីការក្រសួងសុខាភិបាលថា ក្នុងរយៈពេលជាង ១ខែចុងក្រោមនេះ ជំងឺHand Foot and Mouth Disease ហៅកាត់ថាជំងឺ (H.F.M.D) ដែលភាសារហៅថា ជំងឺពងបែកដៃជើង និងពងបែកក្នុងមាត់ កំពុងរាតត្បាតក្នុងប្រទេសកម្ពុជា ដែលធ្វើឲ្យក្រសួងសុខាភិបាលកម្ពុជា កំពុងមានការព្រួយបារម្មណ៍ យ៉ាងខ្លាំង ។
លោកសាស្ត្រាចារ្យ ធា គ្រុយ រដ្ឋលេខាធិការក្រសួងសុខាភិបាលបាននិយយាថា ជំងឺពងបែកដៃ-ជើង និងពងបែកក្នុងមាត់មិនមែនជាជំងឺថ្មីទេគឺធ្លាប់កើតពីមុនមកប៉ុន្ដែមិនមានអ្នកកើតច្រើនទេ ។ថ្មីៗនេះមន្ទីរពេទ្យគន្ធបុប្ផាបានកត់សម្គាល់ឃើញថា មានកុមារស្លាប់ចាប់ពីអាយុ៣ ខែដល់ ១១ឆ្នាំ ច្រើនខុសពីធម្មតា ហើយករណីទាំងនោះមានរោគសញ្ញាប្រហាក់ប្រហែលគ្នាទើបមន្ទីរពេទ្យធ្វើរបាយការណ៍ជូនក្រសួងសុខាភិបាល ។
លោកសាស្ត្រាចារ្យបានបញ្ជាក់ថា ជំងឺនេះ នឹងមានការកើនឡើង និងបន្ដសម្លាប់កុមារកម្ពុជាបន្ថែមទៀត ដរាបណាយើងពុំទាន់មានវាក់សាំងការពារ និងថ្នាំព្យាបាល វិធីការពារដ៏ល្អមិនត្រូវអោយកុមារ ដែលមិនទាន់មានជំងឺប៉ះផ្ទាល់ និងសំបោរ កំហាក ទឹកមាត់ ទឹករងៃ ចេញពីពងបែក ឬលាមករបស់អ្នកជំងឺ ហើយជំងឺនេះ វាឆ្លងខ្លាំងបំផុត នៅក្នុងសប្ដាហ៍ទី១នេះ
ជំងឺ H.F.M.D បណ្ដាលមកពីវីរុស កុក សាគី A16 និងវីរុស EV-71 ។ ប៉ុន្ដែវីរុស A16 មិនបណ្ដាលអោយធ្ងន់ធ្ងរស្លាប់បានទេ មានតែវីរុសEV-71 ដែលបណ្ដាលឲ្យអ្នកជំងឺធ្ងន់ធ្ងរ និងស្លាប់ក្នុងរយៈពេលយ៉ាងយូរ ៧ រឺ៨ ថ្ងៃ ធ្វើអ្នកជំងឺចេញពងបែកលើដៃ ជើង បាតដៃ បាតជើង គូទ ក្ដៅខ្លាំង ពិបាកដកដង្ហើម ប្រកាច់ ភាគច្រើនកើតទៅលើកុមារ៕
