លោកស្រី មូ សុខហួរ ត្រូវកម្លាំងសន្តិសុខ បណ្តេញចេញពីទីលានប្រជាធិបេតយ្យជាលើកទីពីរ
សារព័ត៌មាន Cambodia News/
ភ្នំពេញ (០៣ មេសា ២០១៤) ៖ នៅព្រឹកថ្ងៃទី០៣ ខែមេសា នេះ លោក ស្រី មូ សុខហួរ បេក្ខជនតំណាងរាស្ត្រជាប់ឆ្នោត មកពីគណបក្សសង្គ្រោះជាតិ ត្រូវបាន កម្លាំងសន្តិសុខខ័ណ្ឌដូនពេញ បណ្តេញចេញពីទីលានប្រជាធិបតេយ្យ ក្នុងខណៈដែលលោកស្រី កំពុងអានច្បាប់ស្តីពីការជួបជុំនិងការចាប់ចង។
នេះ ជាលើកទីពីរហើយ ដែល អ្នកស្រី មូ សុខហួរ បេក្ខជនតំណាងរាស្ត្រជាប់ឆ្នោត មកពី គណបក្ស សង្គ្រោះជាតិ ត្រូវបាន កម្លាំងសន្តិសុខខ័ណ្ឌដូនពេញ បណ្តេញចេញពីទីលានប្រជាធិបតេយ្យ។
កាលពីថ្ងៃម្សិលមិញ លោក ស្រី មូ សុខហួរ ត្រូវបាន កម្លាំងសន្តិសុខខ័ណ្ឌដូនពេញ បណ្តេញចិត្តម្តងរួចមកហើយ។ យ៉ាងណាក៏ដោយ ស្ត្រីតំណាងរាស្ត្រ គណបក្សប្រឆាំង រូបនេះ បានអះអាងហើយថា នឹង ធ្វើដំណើរទៅទីលានប្រជាធិបតេយ្យ រៀងរាល់ព្រឹក៕
