លោកស្រី មូរ សុខហួរ ត្រូវសមត្ថកិច្ច រារាំងមិនឱ្យចូលទីលានប្រជាធិបតេយ្យ
សារព័ត៌មាន Cambodia News/
ភ្នំពេញ (០២ មេសា ២០១៤) ៖ នៅព្រឹកថ្ងៃទី០២ មេសា នេះ កម្លាំងសណ្តាប់ធ្នាប់ខណ្ឌដូនពេញ សហការជាមួយនគរបាលប្រឆាំងបាតុកម្មរារាំងមិនឱ្យ លោកស្រី មូរ សុខហួរ បន្តដឹកនាំយុវជនគណបក្សសង្គ្រោះជាតិ ចូលទៅទីលានប្រជាធិបតេយ្យ។
ការរារាំងនេះធ្វើឡើងបន្ទាប់ពីក្រុមយុវជនទាំងនោះព្យាយាមចូលទីលានប្រជាធិបតេយ្យ ដើម្បីធ្វើសន្និសីទសារព័ត៌មានដែលមិនមានការអនុញ្ញាតពីសាលារាជ ធានីភ្នំពេញ។ ប៉ុន្តែការប៉ះទង្គិចគ្នានេះមិនមានប្រើអំពើហិង្សានោះទេ គ្រាន់តែច្រានទៅច្រានមកប៉ុណ្ណោះ។
ទីបំផុតលោកស្រីតំណាងរាស្ត្រមិនទាន់ស្របច្បាប់បានដឹកនាំ កម្លាំងយុវជនគណបក្សសង្រ្គោះជាតិវិលត្រឡប់វិញ និងសន្យាថាពួកគេនឹងវិលមកវិញនៅថ្ងៃពុធខាងមុខនេះ៕