បុរសឥណ្ឌា យកទីបញ្ចុះសព បុរាណ មកធ្វើជាភោជនីយដ្ឋាន
សារព័ត៌មាន Cambodia News/
ឥណ្ឌា (២៦ មិនា ២០១៤) ៖ បរិយាកាស ភោជនីយដ្ឋានខ្លះគឺមានភាពស្ងាត់ជ្រងំគ្មានភ្ញៀវចេញចូលទេ ប៉ុន្តែម្ចាស់ភោជនីយដ្ឋានឥណ្ឌាមួយរូបអះអាងថា មុខរបររបស់គាត់មានការរីកចម្រើន ចាប់តាំងពីការបើកអាហារដ្ឋានរបស់គាត់នៅលើទីតាំងបញ្ចុះសពបុរាណមួយ។
តាម ប្រភពព័ត៌មានរបស់ Daily Mail បានចុះផ្សាយថា ជំនួសឲ្យការរុះរើទីបញ្ចុះសពនេះដើម្បីសាងសង់ ភោជនីយដ្ឋានរបស់គាត់ ម្ចាស់ភោជនីយដ្ឋានឈ្មោះ គ្រីសណាន គូតទី (Krishnan Kutti) រូបនេះ បាន រក្សាទុកក្តារមឈូស និងដាក់តុក្បែរក្តារមឈូសទាំងនោះនៅភោជនីយដ្ឋានឈ្មោះ New Lucky របស់គាត់នៅ ក្នុងទីក្រុងអាម៉ាដាបាត (Ahmadabad) ទៀតផង។
លោក គូតទីបាន ឲ្យដឹងថា “ទីបញ្ចុះសពនេះនាំមកនូវសំណាងល្អ។ មុខរបររបស់គាត់មានការរីកចម្រើនដោយសារតែផ្នូរទាំងអស់នេះ។ វាផ្តល់ឲ្យមនុស្សនូវបទពិសោធន៍ដ៏ពិសេស។ គាត់បានថែរក្សាផ្នូរឲ្យមានសភាពដើម។ អតិថិជនរបស់គាត់ហាក់ដូចជាមិនប្រកាន់នោះទេ”។ – ទោះយ៉ាងណា ម្ចាស់ភោជនីយដ្ឋាននេះមិនដឹងថាផ្នូរនេះជារបស់នរណាម្នាក់នោះទេ ខណៈអ្នកស្រុកមួយចំនួនអះអាងថា ផ្នូរទាំងនេះមានអាយុកាលតាំងពី សតវត្សរ៍ទី ១៦ ។
ផ្នូរជាង ១០ គឺស្ថិតនៅក្នុងភោជនីយដ្ឋាននេះ ហើយត្រូវបានព័ទ្ធជុំវិញដោយចម្រឹងដែក។ លោកគូតទីបាននិយាយថា “យើងចាប់ផ្តើមការរកស៊ីរបស់យើងដោយគោរពចំពោះផ្នូរទាំងនេះ។ យើងជូតផ្នូរ និង គ្របផ្នូរជាមួយនឹងក្រណាត់ ព្រមទាំងផ្កាស្រស់៕
