ជីវជាតិ D កម្រិតទាប កុមារប្រឈម កង្វះឈាម
សារព័ត៌មាន Cambodia News/
សុខភាព(២០ មិនា ២០១៤)៖ ការស្រាវជ្រាវថ្មីមួយ នៅអាមេរិក ទើបតែចេញផ្សាយ បានឱ្យដឹងថា បរិមាណជីវជាតិ D មានកម្រិតទាប អាចជា បញ្ហាចម្បងធ្វើឱ្យកុមារប្រឈមការការខ្វះឈាម។
អ្នកវិទ្យាសាស្ត្រ នៃវិទ្យាស្ថានកុមារ អាមេរិកបានឱ្យថា ការស្រាវជ្រាវរបស់ក្រុមគាត់មានភស្តុតាងបង្ហាញនៃទំនាក់ទំនងដ៏ស្មុគស្មាញរវាងជីវជាតិ D កម្រិតទាប និងសន្ទស្សន៍ឈាម hemoglobin ( សន្ទស្សន៍បង្ហាញពីកង្វះឈាម) ។
ការស្រាវជ្រាវបានធ្វើឡើង ទៅលើកុមារជាង ១០.៤០០នាក់ ក្នុងការស្វែងរកបរិមាណជីវជាតិ D និង hemoglobin ។ លិទ្ធផលបានឱ្យដឹងថា កម្រិតទាបនៃជីវជាតិ D ក្នុងខ្លួនកុមារ hemoglobin ក៏មានកម្រិតទាបដែរ បើប្រៀបធៀបហ្នឹងក្រុម កុមារមិនមានបញ្ហាកង្វះឈាម ។ការស្រាវជ្រាវនោះបានកំណត់ ជីវជាតិ D មានកម្រិតទាប បើកម្រិតវាស្ថិតក្រោម ៣០ nanogram ក្នុងមួយមីលីលីត្រ ។
អ្នកជំនាញក៏បានក្រើនរំលឹក ចំពោះការណីខាងលើថា ការបន្ថែមជីវជាតិ D តាមរយៈការហាលថ្ងៃ ចំនួន ១០ ទៅ ១៥នាទី ជាពិសេសនាពេលព្រឹក និងការទទួលទានអាហារសម្បូរជីវជាតិ D ដូចជា ទឹកដោះគោ និងត្រី ជាដើម ជា ជម្រើសល្អ សម្រាប់ការបង្កើនបន្ថែមជីវជាតិ D សម្រាប់កុមារ៕
