គួរស្នេហ៍វ័យក្មេងមួយគួរត្រូវឪពុកម្ដាយខាងស្រីតាមបំបែក
សារព័ត៌មាន Cambodia News/
កណ្ដាល(១៩ មិនា ២០១៤) ៖ ដោយសារតែអំណាច នៃសេចក្ដី ស្រឡាញ់ របស់ក្មេងស្រីជំទង់ម្នាក់ ជាសិស្សសាលា បានបង្ខំឱ្យរូបនាង លែងគិតអ្វីទាំងអស់ ទាំងការ រៀនសូត្រ ទាំងឪពុកម្ដាយ បងប្អូនសាច់ញាតិ ដោយបាន សម្រេចចាកចេញ ពីផ្ទះសម្បែង ផ្អាកការសិក្សា ហើយទៅរស់នៅជាមួយគូ ស្នេហ៍របស់ខ្លួន ជាកម្មករនៅហាងលក់ នំប៉័ង។
ក្រោយពីបាន រស់នៅជាមួយគ្នា រយៈពេល យូរគ្រាន់បើនោះ ស្រាប់តែនៅថ្ងៃទី១៨ ខែ មីនា ឆ្នាំ២០១៤ ឪពុកម្ដាយខាងស្រី ដែល ខិតខំស្វះស្វែងរកពួកគេទាំងពីរនាក់ រយៈ ពេល២ខែមកនោះ ក៏ប្រទះឃើញ ហើយបាន នាំពួកគេទាំងពីរនាក់មកកាន់ប៉ុស្ដិ៍នគរបាល ក្រុងតាខ្មៅ ដើម្បីឱ្យនគរបាលជួយសម្រប សម្រួល និងដោះស្រាយ។
យោងតាមមន្ដ្រីនគរបាលក្រុងតាខ្មៅ ខេត្ដកណ្ដាលបាននិយាយថា ដើមចមដែល ធ្វើគូស្នេហ៍វ័យក្មេង តួប្រុស ឈ្មោះអ៊ី ណាក់ អាយុ២០ឆ្នាំ និងតួស្រី ឈ្មោះមរកត អាយុ ១៩ឆ្នាំ ជាសិស្សសាលា បានស្គាល់គ្នា តាមរយៈច្រឡំលេខទូរស័ព្ទតាំងពីឆ្នាំ២០១២ បន្ទាប់មកពួកគេទាំងពីរ បានទាក់ទងគ្នាជា ញឹកញាប់ រហូតដល់ ធ្វើឱ្យរូបនាង ដាច់ចិត្ដឈប់ រៀនសូត្រ និងរត់ចេញពីគ្រួសារចោលឪពុក ម្ដាយបងប្អូន ទៅរស់នៅជាមួយតួប្រុសក្នុង បន្ទប់ជួល។
យ៉ាងណាក៏ដោយ គូស្នេហ៍វ័យក្មេង ដែល តួប្រុស មានអាយុ២០ឆ្នាំ មានស្រុកកំណើត នៅស្រុកខ្សាច់ កណ្ដាល ខេត្ដកណ្ដាល ហើយមកធ្វើជា កម្មករលក់នំប៉័ង ជួលផ្ទះ ស្នាក់នៅ មួយកន្លែង ម្ដុំបឹងត្របែក រាជធានីភ្នំពេញ រីឯតួស្រីជា ក្រុងតាខ្មៅ ខេត្ដកណ្ដាល បានឱបគ្នាស្រក់ទឹកភ្នែក នៅចំពោះមុខមន្ដ្រីនគរបាល ក្រោយពីឪពុកម្ដាយ ខាងស្រី បានស្វែងរក ឃើញពួកគេទាំងពីរ ហើយប្ដឹងសមត្ថកិច្ចឱ្យ ចាប់ខ្លួន ។
ក្រោយពីមានការ ជួយសម្រប សម្រួល របស់ សមត្ថកិច្ចរួចមក យុវជនជាសង្សារ បានធ្វើកិច្ចសន្យាឈប់ទាក់ ទងជាមួយគូស្នេហ៍ ហើយខាងស្រីក៏បាន សន្យាជាមួយម្ដាយថា និងត្រឡប់ទៅនៅផ្ទះ វិញ ដោយ ឈប់ ទាក់ ទងជាមួយសង្សាររបស់ ខ្លួន តែការសន្យារបស់គូស្នេហ៍ រូបនេះ ដោយ សារឪពុកម្ដាយ របស់ខ្លួន ប្ដឹងសមត្ថកិច្ច ចាប់ សង្សាររបស់នាង បើនៅបន្ដទាក់ទងគ្នា ទៀត ៕
