កម្តៅសីតុណ្ហភាពប្រឆ្នាំនេះ មានពី៣៣ អង្សាសេ ទៅដល់ ៣៩អង្សាសេ
សារព័ត៌មាន Cambodia News/
ភ្នំពេញ(១៩ មិនា ២០១៤)៖ ក្រសួងធនធានទឹក និងឧតុនិយមបានចេញសេចក្តីជូនដំណឹងបញ្ជាក់ពីការឡើងកម្តៅ ប្រចាំឆ្នាំ។ ការឡើងកម្តៅសីតុណ្ហភាពប្រឆ្នាំនេះ មានពី៣៣ អង្សាសេ ទៅដល់៣៩អង្សាសេ។ នេះបើតាមការឲ្យដឹងពីលោកចាន់ យុត្ថា ប្រធាននាយកដ្ឋាននៃក្រសួងធនធានទឹក និងឧតុនិយម។
ក្រសួង ធនធានទឹក និងឧតុនិយម បានចេញសេចក្តីជូនដំណឹង បញ្ជាក់អំពីស្ថានភាពអាកាស ធាតុអតិបរិមាកាលពីថ្ងៃទី១៧ កុម្ភៈកន្លងទៅដោយបានបញ្ជាក់ថា សីតុណ្ហភាពអតិបរមានឹងមានការប្រែប្រួលនៅតាមតំបន់មួយចំនួន ដូចជា នៅតំបន់ខ្ពង់រាបភាគឦសាន និងខ្ពង់រាបភាគខាងជើង តំបន់ទំនាបកណ្តាល និងតំបន់មាត់សមុទ្រ នៃប្រទេសកម្ពុជា ចាប់ពីថ្ងៃ ទី២០ ខែកុម្ភៈ ដល់ដើមខែឧសភា។
សីតុណ្ហភាព អតិបរិមា នៅតំបន់ខ្ពង់រាបភាគឦសាន និងខ្ពង់រាបភាគខាងជើង ចាប់ ពី៣៣ ដល់ ៣៧ អង្សាសេ។ នៅតំបន់ទំនាបកណ្តាល មានសីតុណ្ហភាពអតិបរិមា ពី៣៣ដល់៣៩អង្សាសេ។ ចំណែកនៅតំបន់មាត់សមុទ្រ នឹងមានសីតុណ្ហភាពអតិបរិមា ពី២៩ដល់៣៤អង្សាសេ៕