អាមេរិក ចាប់ផ្ដើមស្វែងរកយន្តហោះម៉ាឡេស៊ី ដែលសង្ស័យបាតនៅសមុទ្រឥណ្ឌា
សារព័ត៌មានយុវវ័យថ្មី/
អាមេរិក(១៤ មិនា ២០១៤)៖ នាវាកងទ័ពជើងទឹករបស់អាមេរិកដ៏ធំមួយ បានចាប់ផ្ដើម ចាកចេញពីឈូងសមុទ្រថៃហើយ ដោយចេញដំណើរទៅស្វែងរកយន្តហោះម៉ាឡេស៊ី MH 370 ដែលបាត ហើយស្វែងរកចាប់ពី ច្រកសមុទ្រ ម៉ាឡេស៊ី ម៉ាឡាកា ទៅដល់សមុទ្រឥណ្ឌាបន្ទាប់ពីការស្វែងរក រយៈពេល៦ថ្ងៃ នៅសមុទ្រចិនភាគខាងត្បូងមិនបានរកឃើញដានយន្តហោះនេះឡើយ។
ប្រតិបត្តិរបស់នាងវាកងទ័ពជើងទឹកអាមេរិក បានធ្វើឡើង បន្ទាប់ពីមានការសង្ស័យថា យន្តហោះម៉ាឡេស៊ី MH 370 បានហោះហើរ ជាង៤ម៉ោង និងអាចហោះបានចំងាយ ជាង៤០០០គីឡូម៉ែត្រ ហើយវាអាចហោះទៅដល់សមុទ្រឥណ្ឌា។
បន្ទាប់ពី មានសេចក្ដីរាយការណ៍ថា យន្តហោះម៉ាឡេស៊ី MH 370 ប្រភេទ Boeing 777 បានបាត់ពីប្រព័ន្ធរ៉ាដា នៅម៉ោង ១និង៣០នាទីទៀបភ្លឺ នៅថ្ងៃសៅរិ៍ ទី៨មីនា ខណៈកំពុងហោះហើរពីក្រុងកូឡាឡាំពួ ទៅក្រុងប៉េកាំប្រទេសចិន គឺប៉ុន្មានម៉ោងក្រោយមក មានការប្រតិបត្តិការ ជាសាកល ដោយមានប្រទេសចំនួន៧ បានបញ្ជូនយន្តហោះ ៣៤គ្រឿង និងនាវាចំនួន៤២ មកប្រមូលផ្ដុំគ្នាស្វែងរក នៅសមុទ្រចិនភាគខាងត្បូង ប៉ុន្តែមិនមានសញ្ញាណាមួយថា យន្តហោះនេះបានធ្លាក់ នៅតំបន់សមុទ្រនេះ។
សហរដ្ឋអាមេរិក សម្រេចបញ្ជូន វានាកងទ័ពជើងទឹក USS Kidd ទៅសមុទ្រឥណ្ឌា និងច្រកម៉ាឡាការ ប្រទេសម៉ាឡេស៊ី គឺប្រតិបត្តិការពិសេសមួយ តាមការស្នើសុំ របស់រដ្ឋាភិបាលម៉ាឡេស៊ី៕