តុលាការក្រុងភ្នំពេញចាប់ផ្តើមធ្វើការសាកសួរលោកម៉ម សូណង់ដូ
ភ្នំពេញ៖ នៅព្រឹកថ្ងៃទី១៦ កក្កដា ២០១២ តុលាការក្រុងភ្នំពេញបាន ចាប់ផ្ដើមធ្វើការសាកសួរលោកម៉ម សូណង់ដូដែលបានត្រូវគេចាប់ខ្លួនពីបទចោទប្រកាន់ថាបានរៀបចំ ផែនការបះបោរប្រឆាំងនឹងអាជ្ញាធរ។
តាមការបញ្ជាក់ពីអ្នកតាមសង្កេតការណ៍លើករណីលោក ម៉ម សូណង់ដូ គឺចៅក្រមស៊ើបអង្កេតនៅតុលាការក្រុងភ្នំពេញបានចាប់ផ្ដើមធ្វើការសាកសួរជនជាប់ចោទបន្ទាប់ពីបានគេបញ្ជូនទៅដល់តុលាការនៅម៉ោង ១០និង ២៥នាទី ក្រោយពីសមត្ថកិច្ចបានចាប់ខ្លួននៅថ្ងៃអាទិត្យម្សិលមិញនេះ។
បុគ្គលិករបស់មជ្ឈមណ្ឌលសិទ្ធិមនុស្សកម្ពុជា លោកប៊ុន ធឿន បានឲ្យដឹងថា លោកម៉ម សូណង់ដូបានរងការចោទប្រកាន់ចំនួន ៤ប្រការ ។ លោកបានឲ្យដឹងផងដែរថានៅក្រៅតុលាការមានប្រជាពលរដ្ឋប្រមាណពី៦០នាក់ទៅ៧០នាក់ឈរធ្វើតវ៉ាដោយសន្ដិវិធី ទាមទារសុំឲ្យតុលាការដោះលែងលោកម៉ម សូណង់ដូ៕
