នៅខេត្តបាត់បំបងមានកុមារី៤នាក់ទៀតឆ្លងជំងឺប្រភេទថ្មីដែលជាប្រភេទវីរុសEV-71
កាលពីថ្ងៃទី១២ កក្កដា ២០១២លោក កុយ សុខ ប្រធានមន្ទីរសុខាភិបាលខេត្តបាត់ដំបងបានឲ្យដឹងថា កុមារីតូចៗ៤នាក់ផ្សេងទៀតបានឆ្លងជំងឺប្រភេទថ្មីដែលជាប្រភេទវីរុសEV-71 ដោយក្នុងនោះម្នាក់មានអាការៈធ្ងន់ធ្ងរ និង៣នាក់ផ្សេងទៀតមានអាការៈស្រាលនៅឡើយ ពេលនេះកំពុងសម្រាកព្យាបាល នៅមន្ទីរពេទ្យបង្អែកខេត្តបាត់ដំបង។
កុមារីរងគ្រោះទី១ ឈ្មោះ ឈូក ចាន់រី អាយុ ៣ឆ្នាំ រស់នៅភូមិ អន្លង់ស្វាយ ឃុំតាក្រៀម ស្រុកបាណន់ ទី២ ឈ្មោះ ស្រី សុគន្ធា អាយុ ៩ខែ រស់នៅភូមិគោកដូង ឃុំពាមឯក ស្រុកឯកភ្នំ ទី៣. ឈ្មោះ តឹក វិច្ឆិកា អាយុ ១៨ខែ រស់នៅភូមិ សាលាក្រៅ ឃុំកំពង់គ្រាវ ស្រុកសង្កែ និងទី៤. ឈ្មោះ យ៉ាង ប៉ាណា អាយុ ១៨ខែ រស់នៅភូមិ រនាមួយ ឃុំរនា ស្រុកសង្កែ។
សូមរំលឹកថា រយៈពេលប៉ុន្មានខែចុងក្រោយនេះជំងឺពងបែកដៃជើង និងក្នុងមាត់ ដែលជាប្រភេទថ្មីនេះបានសម្លាប់កុមារកម្ពុជា ដែលមានអាយុក្រោម ៥ឆ្នាំ ជាង៦០នាក់ហើយ។ ហើយជំងឺនេះ ជាជំងឺឆ្លង ដែលអាចឆ្លងពីមនុស្សម្នាក់ទៅមនុស្សម្នាក់ ដោយការប៉ះពាល់ផ្ទាល់ទៅនឹង សំបោរ កំហាក ទឹកមាត់ ទឹករងៃដែលចេញពីពងបែក ឬលាមក នៃអ្នកជំងឺ៕