CNRP និងCPP សម្រេចលុបចោលគម្រោងជួបចរចា នៅថ្ងៃទី២៧កុម្ភៈ
សារព័ត៌មាន Cambodia News /
ភ្នំពេញ(២៥ កុម្ភៈ ២០១៤)៖ នៅព្រឹកថ្ងៃអង្គារ ទី២៥ ខែកុម្ភះនេះ មន្ត្រី អ្នកនាំពាក្យគណបក្សសង្គ្រោះជាតិ បានឱ្យដឹងថា គណបក្សប្រជាជនកម្ពុជា និងគណបក្សសង្គ្រោះជាតិ បានសម្រេចលុបចោលគម្រោងជួបចរចាជាថ្មី រវាងគណៈកម្មការចម្រុះ សម្រាប់កែទម្រង់ការបោះឆ្នោត ដែលមានសមាសភាព ៦ រូបម្ខាង នៅថ្ងៃទី២៧ ខែកុម្ភៈ ឆ្នាំ២០១៤។
លោក យឹម សុវណ្ណ បានបញ្ជាក់ថា ការសម្រេចលើកពេលជួបចរចា រវាងក្រុមការងារគណបក្សទាំងពីរ ក្នុងនាមគណៈកម្មការចម្រុះ សម្រាប់កែទម្រង់ការបោះឆ្នោត ដែលមានសមាសភាពម្ខាង ៦ រូប នាថ្ងៃទី២៧កុម្ភៈ មិនមែនមកពីហេតុផលនយោបាយទេ តែដោយសារតែបញ្ហាបច្ចេកទេសរបស់ក្រុមការងារគណបក្សទាំងពីរ។ 
លោ ក យឹម សុវណ្ណ បានបន្តថា ការពន្យារពេលចរចានោះ មកពីគណបក្សប្រជាជនកម្ពុជា បានស្នើលើកពេល ដោយមូលហេតុ ជាប់រវល់។ ប៉ុន្តែក្រុមការងារគណបក្សទាំងពីរ នឹងកំណត់ជួបគ្នា ក្នុងពេលឆាប់ៗ អាចនៅសប្តាហ៍ក្រោយ៕
