អាមេរិកកំពុងប្រឈមនឹងព្យុះទឹកកកសំឡីជាមួយនឹងសីតុណ្ហភាពធ្លាក់ចុះជិត ៤០អង្សារ ក្រោមសូន្យ
នៅសហរដ្ឋអាមេរិក អស់រយៈពេលជាច្រើនថ្ងៃមកហើយដែលទឹកដីមួយភាគធំបាន និងកំពុងបន្តប្រឈមមុខនឹងរលកព្យុះទឹកកកសំឡី ជាមួយនឹងសីតុណ្ហភាពត្រជាក់ខ្លំាង រហូតដល់ទៅ ៤០អង្សារ ក្រោមសូន្យ។ ព្រឹត្តិការណ៍នេះកំពុងធ្វើឲ្យប៉ះពាល់ដល់ប្រជាពលរដ្ឋអាមេរិកំាងជាង ១០០លាននាក់។ បើយោងតាមការព្យាករឲ្យដឹងថា ក្នុងសប្តាហ៍នេះ សីតុណ្ហភាពត្រជាក់នឹងអាចធ្លាក់ខ្លំាងដែលមិនធ្លាប់មានទេ គិតតំាងពីជាង ២០ឆ្នំាកន្លងទៅ។
ពលរដ្ឋអាមេរិកំាងដែលបាន និងកំពុងទទួលព្រឹត្តិការណ៍ត្រជាក់ខ្លំាងនាពេលនេះ គឺអ្នកដែលរស់នៅតំបន់ប៉ែកខាងជើង និងប៉ែកកណ្តាលប្រទេស។ អស់រយៈពេលជាច្រើនថ្ងៃកន្លងមកហើយដែលពួកគេបានប្រឈមមុខយ៉ាង ខ្លំាងនឹងព្យុះរលកទឹកកកកសំឡីជាមួយនឹងសីតុណ្ហភាពត្រជាក់ខ្លំាងរហូត ដល់ទៅ ៣៨អង្សារក្រោមសូន្យគួរឲ្យភ្ញាក់ផ្អើលខ្លំាងមែនទែន។ តែការភ្ញាក់ផ្អើលរបស់ពួកគេប្រហែលជានៅមិនទាន់ចប់ត្រឹមនេះទេ ព្រោះថាបើយោងតាមការព្យាករឲ្យដឹងថា ក្នុងសប្តាហ៍នេះ ភាពត្រជាក់ខ្លំាងនឹងកើនឡើងបន្ថែមទៀត ជាមួយនឹងសីតុណ្ហភាពដែលនឹងអាចធ្លាក់រហូតដល់ទៅ ៥១អង្សារក្រោមសូន្យចាប់ពីថ្ងៃនេះ រហូតដល់ថ្ងៃអង្គារស្អែក។ អាកាសធាតុត្រជាក់ខ្លំាងនៅក្នុងទីក្រុងអាត្លង់តាជាងនៅក្នុងរដ្ឋ អាឡាស្កាទៅទៀត។ គឺជាមួយនឹងព្រឹត្តិការណ៍ធម្មជាតិដ៏គួរឲ្យភ្ញាក់ផ្អើលនាពេលនេះឯង ដែលរដ្ឋអំណាចក្នុងតំបន់ជាប់ពាក់ព័ន្ធ ដូចយ៉ាងឈីកាហ្គោបានអំពាវនាវឲ្យពលរដ្ឋរបស់ខ្លួនមានការ ប្រុងប្រយ័ត្ន។
ដោយឡែកនៅក្នុងរដ្ឋ Wisconsin ឯណោះ ទោះបីជាមានសីតុណ្ហភាពត្រជាក់ខ្លំាងរហូតដល់ទៅ ២៣អង្សារក្រោមសូន្យក៏ដោយ ក៏ការប្រកួតកីឡា Superbowl បានប្រព្រឹត្តិទៅដូចការគ្រោងទុក ជាមួយនឹងទស្សនជនចូលរួមទស្សនាពេញពហុកីឡាដ្ឋាន Greenbay ចំនួន ៨០ ០០០នាក់។ ទស្សនជនជានារីមា្នក់បានប្រាប់ឲ្យដឹងថា ដើម្បីអាចអង្គុយទស្សនាការប្រកួតរហូតដល់ចប់បាន រូបគេបានពាក់ខោ និងអាវក្រាស់ៗ និងច្រើនជាន់។
យ៉ាងណាក៏ដោយ ព្រឹត្តិការណ៍ព្យុះទឹកកកសំឡីបានបង្ខំឲ្យរដ្ឋអំណាចបិទបិទសាលារៀនជា ច្រើន។ ចំណែកគ្រោះថ្នាក់ចរាចរណ៍នៅតាមផ្លូវក៏បានកើតមានជាហូរហែ រីឯចរាចរណ៍ផ្លូវអាកាសក៏បានប្រកាសលុបចោល ឬមួយក៏ពន្យារពេលជាដើម។ វាលើកលែងតែជើងយន្តហោះ Air Force One ដែលដឹកលោកប្រធានាធិបតីអូបាម៉ាពីរដ្ឋហាវ៉ៃមកកាន់ទីក្រុង វ៉ាស៊ីនតោនមួយប៉ុណ្ណោះ។ ទីក្រុងវ៉ាស៊ីនតោនមានសីតុណ្ហភាពត្រជាក់ល្មម គឺ ២អង្សារ ក្រោមសូន្យ។ ចំណែកភរិយារបស់លោកអូបាម៉ា គឺលោកស្រីមីសែលត្រូវបានលោកអូបាម៉ាទុកនៅរដ្ឋហាវ៉ៃដើម្បីឲ្យ លោកស្រីប្រារព្ធខួបកំណើតគម្រប់ ៥០ឆ្នំារបស់លោកស្រីក្រោមសីតុណ្ហភាព ២៧អង្សារ៕ដោយ គួច គន្ធារ៉ា (RFI)