មន្ទីរសម្រាកព្យាបាលឯករាជ្យ ត្រូវបានក្រុមកម្មករវាយកម្ទេច
សារព័ត៌មាន Cambodia News
-
មន្ទីរសម្រាកព្យាបាលឯករាជ្យ ដែលមានទី តាំងស្ថិតនៅតាមបណ្ដោយផ្លូវវ៉េងស្រេង។ ភ្នំពេញ៖ នៅម៉ោង ១០ព្រឹក ថ្ងៃទី៣ ខែមករា នេះក្រុមបង្កអុកឡុក បាននាំគ្នា យកដុំថ្មនិងដំបង ទៅគប់ និងវាយបំផ្លាញ មន្ទីរសម្រាកព្យាបាលឯករាជ្យ ដែលមានទី តាំងស្ថិតនៅតាមបណ្ដោយផ្លូវវ៉េងស្រេង ដោយសារតែក្រុមទាំងនេះ ខឹងសម្បារក្រុម គ្រូពេទ្យខាងលើ មិនទទួលយកបក្ខពួករបស់ខ្លួន ដែលរងរបួសទៅព្យាបាល ។
មន្ទីរពេទ្យ ឯកជនមួយ ដែលមានយីហោ មន្ទីរសម្រាកព្យាបាលឯករាជ្យ ត្រូវបានក្រុមកម្មករវាយកម្ទេចកញ្ចក់ទ្វារនិងបង្អួច ព្រមទាំងបរិក្ខាពេទ្យមួយចំនួន ខណៈកម្មករអះអាងថា មន្ទីរពេទ្យនេះមិនព្រមព្យាបាលកម្មករដែលរងបួស នៅក្នុងហេតុការន៍ប៉ះទង្គិចគ្នារវាងកម្លាំងសមត្ថកិច្ចរាប់រយនាក់ និងក្រុមកម្មករនៅមុខសួនឧស្សាហកម្មកាណាឌីយ៉ា ផ្លូវវ៉េងស្រេង។
ការប៉ះទង្គិច គ្នារវាងកម្លាំងសមត្ថិច្ចរាប់រយនាក់ និងកម្មករមកពីបណ្តាលរោងចក្រនានា ក្នុងរាជធានីភ្នំពេញ នៅមុខសួនឧស្សាហកម្មកាណាឌីយ៉ា បានឡើងកម្តៅខ្លាំងនៅម៉ោង ១០ព្រឹកនេះ ហើយឈានទៅដល់ប្រើកាំភ្លើងបាញ់រះទៅលើហ្វូងកម្មករ បណ្តាលឲ្យមាកការសង្ស័យថា កម្មករបីនាក់បានស្លាប់ និងជាង១០នាក់ទៀតរងបួសធ្ងន់និងស្រាល៕
