ទូរទស្សន៍ប៉ុស្តិ៍លេខ ៥ ចាប់ផ្តើមបញ្ជាំងរឿងថៃឡើងវិញ
រត្តនៈ/សារព័ត៌មាន Cambodia News /
ភ្នំពេញ៖ ស្ថានីយទូរឬស្សន៍ប៉ុស្តិ៍លេខ៥ ដែលគ្រប់គ្រងដោយក្រសួងការពារជាតិ នឹងមានភាគហ៊ុន ជាមួយនឹងថៃបានចាប់ផ្តើម បញ្ជាំងភាពយន្តថៃឡើងវិញជាលើកដំបូង បន្ទាប់ពីផ្អាកអស់រយៈ ពេលជាង១០ឆ្នាំកន្លងមក។
ខ្សែភាពយន្តដែលមានចំណងជើងថា “ក្បូនជីវិត” ត្រូវបានគេមើលឃើញជាលើកដំបូងបន្ទាប់ពី អ្នកជាតិនិយមកម្ពុជាមួយក្រុមបានដុះស្ថានទូត និងក្រុមហ៊ុនមួយចំនួនរបស់ថៃប្រចាំប្រទេសកម្ពុជាកាលពីថ្ងៃទី ២៩ ខែមករា ឆ្នាំ២០០៣ ។ 
ដោយមានប្រតិកម្មតមវិញ អ្នកជាតិនិយមរបស់ថៃមួយក្រុមក៍បានដុះស្ថានទូតខ្មែរនៅក្នុងទី ក្រុងបាងកកផងដែរ ដែលនាំឲ្យចំណងការទូតរយៈពេល៥០ឆ្នាំរវាងប្រទេសទាំងពីរបានបែក បាក់ ។
អំពីកុប្បកម្ម ទាំងនេះបានផ្ទុះឡើងបន្ទាប់ពីមានរបាការណ៍មួយថា តារាភាពយន្តថៃឈ្មោះ ស៊ូវ៉ាន់ ណា (កុប) កុងយីង បាននិយាយថា ប្រាសាទអង្គវត្តជារបស់ប្រទេសថៃ ហើយថា នាងនឹងមិនមកកម្ពុជាទេលុះត្រាតែកម្ពុជាប្រគល់អង្គវត្តឲ្យប្រទេសថៃ វិញ។ នាង កុងយីង បន្ទាប់មកបានបដិសេធថា នាងមិនបាននិយាយដូច្ឆោះទេ ។
ប្រទេសថៃ ដែលកាលពីពេលនោះក្រោមកាគ្រប់គ្រងរបស់លោក នាយករដ្ឋមន្ត្រី ថាក់ ស៊ីន ស៊ីនីវ៉ាត់ត្រា បានស្នើរឲ្យកម្ពុជាសងថ្លៃខួចខាតដែលបានប៉ាន់ស្មានថា មានដល់ទៅ ៥០លានដូល្លាអាមេរិក។
ចាប់ពីពេលនោះមកគ្មានស្ថានីទួរទស្សន៍ណា មួយរបស់ប្រទេសកម្ពុជាបានចាក់ផ្សាយភាពយន្តថៃឡើយ ហើយបានចាក់បញ្ជាំងជំនួសវិញនូវភាពយន្ត អាមេរិក ចិន ហ្វីលីពិន ហុងកុង ឥណ្ឌា កូរ៉េ សឹង្ហបូរី និងតៃវ៉ាន់ ។
លោកឧត្តមសេនីយ នាង ផាត រដ្ឋលេខាធិការក្រសួងការពារជាតិ ទទួលបន្ទុកទូរទស្សន៍ប៉ុស្ត៍លេខ ៥ មិនអាចទាក់ទងបាននៅថ្ងៃសុក្រនេះ ដើម្បី បំភ្លឺពីបញ្ហានេះ៕
