កម្មករ បន្តបិទផ្លូវសហព័ន្ធរុស្ស៊ី មុខក្រសួងការងារ
ភ្នំពេញ៖ នៅព្រឹកថ្ងៃអង្គារនេះ កម្មកររោងចក្ររាប់ពាន់នាក់ បានចាប់ផ្តើមបិទផ្លូវសហព័ន្ធរុស្ស៊ីខាងមុខក្រសួងការងារ និងបណ្តុះបណ្តាលវិជ្ជាជីវៈ ដើម្បីជំរុញឲ្យស្ថាប័នមួយនេះ បន្តពិភាក្សាដំឡើងប្រាក់ឈ្នួលដល់កម្មករ១៦០ដុល្លារ។
កម្មករ បន្តទាមទារប្រាក់ឈ្នួល១៦០ដុល្លារ បើទោះបីក្រសួងការងារ បានចេញលិខិតឲ្យភាគីពាក់ព័ន្ធគោរពតាមសេចក្តីសម្រេចរបស់គណៈកម្ម ការប្រឹក្សាការ ងារ ដែលដំឡើងដល់ទៅ៩៥ដុល្លារសម្រាប់ឆ្នាំ២០១៤ ហើយប្រាក់ឈ្នួលនឹងកើនឡើងដល់១៦០ដុល្លារនៅឆ្នាំ២០១៨។
ក្រសួងការងារ និងបណ្តុះបណ្តាលវិជ្ជាជីវៈ កាលពីថ្ងៃចន្ទ ស្នើឲ្យកម្មករ ចូលធ្វើការវិញនៅថ្ងៃទី០២ខែមករា ឆ្នាំ២០១៤។ ទីស្តីការគណៈរដ្ឋមន្ត្រី ក្រោមការបញ្ជារបស់លោកនាយករដ្ឋមន្ត្រី ហ៊ុន សែន បញ្ជាក់ថា ការដំឡើងប្រាក់ឈ្នួលកម្មករដល់ទៅ១៦០ដុល្លារភ្លាមៗ គឺមិនអាចអនុវត្តបានឡើយ៕ Cambodia News