គណបក្សរបស់លោកស្រី អាំង សានស៊ូជី នឹងចូលរួមបោះឆ្នោតនៅឆ្នាំ ២០១៥
លោកស្រី អាំង សានស៊ូជី អ្នកដឹកនាំគណបក្សគាំទ្រលទ្ធិប្រជាធិបតេយ្យរបស់ប្រទេសមីយ៉ាន់ម៉ា និយាយថា គណបក្សរបស់លោកស្រីនឹងចូលរួមបោះឆ្នោតនៅឆ្នាំ ២០១៥ ទោះបីជាលោកស្រីមិនអាចឈរឈ្មោះជាប្រធានាធិបតីបានក៏ដោយចុះ។
អ្នក នាំពាក្យរបស់គណបក្សសម្ព័ន្ធជាតិសម្រាប់ប្រជាធិបតេយ្យ បានបញ្ជាក់ថា គណបក្សរបស់លោកនឹងឈរឈ្មោះទោះបីគ្មានការកែរប្រែរដ្ឋធម្មនុញ្ញរបស់ ប្រទេសមីយ៉ាន់ម៉ាក៏ដោយចុះ។ រដ្ឋធម្មនុញ្ញរបស់ប្រទេសមីយ៉ាន់ម៉ា ហាមអ្នកណាដែលមានបុត្រ មានសញ្ជាតិផ្សេងពីសញ្ញាតិមីយ៉ាន់ម៉ា មិនឲ្យឈរឈ្មោះជាប្រធានាធិបតីបានទេ។
សូមជំរាបថា បុត្រប្រុសទាំងពីររបស់លោកស្រី អាំង សានស៊ូជី មានសញ្ជាតិអង់គ្លេស។
កាលពីឆ្នាំ ២០១០ គណបក្សសម្ព័ន្ធជាតិសម្រាប់ប្រជាធិបតេយ្យ បានធ្វើពហិកាមិនចូលរួមឈរឈ្មោះបោះឆ្នោតទេ ដោយយល់ថា ការបោះឆ្នោតនោះមិនមានលក្ខណៈប្រជាធិតេយ្យទេព្រោះរដ្ឋធម្មនុញ្ញដែល អនុម័តនៅឆ្នាំ ២០០៨ ក្រោមការដឹកនាំរបស់របបយោធាមានចន្លោះប្រហោងដែលបណ្តោយឲ្យកងទ័ពនៅ មានឥទ្ធិពលក្នុងរដ្ឋាភិបាល។
នៅពេលមានការកែប្រែរដ្ឋ ធម្មនុញ្ញនៅឆ្នាំ ២០១២ គណបក្សសម្ព័ន្ធជាតិសម្រាប់ប្រជាធិបតេយ្យបានចូលរួមការបោះឆ្នោត បំពេញមុខតំណែងសភាដែលទំនេរ ហើយបានឈ្នះកៅអី ៤៣ ក្នុងចំណោមកៅអី ៤៥ ក្នុងសភាទាំងពីរថា្នក់៕ (Radio Australia)