ប្រធានាធិបតីស៊ីរីព្រមចរចាសន្តិភាព
ក្នុងលិខិតមួយដែលលោកប្រធានា ធិបតីស៊ីរី បានសរសេរថ្វាយសម្តេចសង្ឃ កាតូលិក Pope Francis លោក Bashar al-Assad បញ្ជាក់ថា រូបលោកត្រៀមខ្លួនរួចស្រេចហើយសម្រាប់កិច្ចចរចាសន្តិភាព។
ទូរទស្សន៍ រដ្ឋរបស់ប្រទេសស៊ីរីបានបង្ហាញសារនៃលិខិតនេះ ដែលលោកប្រធានាធិបតី Bashar al-Assad បានថ្លែងអំណរគុណសម្តេចសង្ឃដែលបានធ្វើសារអំពាវនាវក្នុងឱកាសបុណ្យ ណូអែលឲ្យបញ្ចប់ជម្លោះ។
លិខិតឆ្លើយតបនេះ ធ្វើការថ្កោលទោសរដ្ឋាភិបាលបរទេសដែលពាក់ព័ន្ធនឹងសង្រ្គាមស៊ីវិល នៅស៊ីរី។ លិខិតនេះបញ្ជាក់ផងដែរថា រដ្ឋាភិបាលទាំងនោះ គួរតែគោរពសិទ្ធពលរដ្ឋស៊ីរី ក្នុងការជ្រើសរើសអ្នកដឹកនាំរបស់ពួកគេតាមរយៈការបោះឆ្នោត។
សូម ជម្រាបថា ក្នុងរយៈពេល ពីរសប្តាហ៍ចុងក្រោយនេះ យ៉ាងហោចណាស់ក៏មានមនុស្ស ៥០០ នាក់ដែរបានស្លាប់ដោយសារការវាយប្រហារតាមផ្លូវអាកាសរបស់កងទ័ព ស៊ីរី៕ (Radio Australia)