រដ្ឋាភិបាលអូស្ត្រាលីនឹងអនុម័តគោលនយោបាយទិញទូកពីឥណ្ឌូណេស៊ី
លោក Tony Abbott នាយករដ្ឋមន្រ្តីអូស្ត្រាលី បានសង្កត់ធ្ងន់ថា ដើម្បីបញ្ឈប់ការរត់ពន្ធមនុស្សចូលក្នុងប្រទេសអូស្ត្រាលី រដ្ឋាភិបាលអូស្ត្រាលីនៅមានសមត្ថភាពនឹងអនុម័តគោលនយោបាយប្រមូលទិញ យកទូកពីប្រជាពលរដ្ឋនៅប្រទេសឥណ្ឌូណេស៊ី។
លោក Tony Abbott រៀបចំកញ្ចប់ថវិកាទុកចំនួន ២០ លានដុល្លារ សម្រាប់គោលនយោបាយនេះ ដោយក្នុងនោះរួមមានការទិញទូកពីភូមិនេសាទឥណ្ឌូណេស៊ីផងដែរ ក្នុងគោលបំណងបញ្ឈប់អ្នកនេសាទទាំងនោះកុំបណ្ដោយឲ្យទូករបស់ខ្លួន ធ្លាក់ទៅក្នុងដៃអ្នករត់ពន្ធមនុស្សចូលទៅប្រទេសអូស្ត្រាលី។
ប្រទេស ឥណ្ឌូណេស៊ីបានបង្ហាញពីការព្រួយបារម្ភចំពោះផែនការនេះ នៅពេលដែលរដ្ឋាភិបាលសហព័ន្ធអូស្ត្រាលីបែរជាផ្តោតទៅលើយុទ្ធនាការ ជាសាធារណៈក្នុងការប្រឆាំងនឹងការរត់ពន្ធមនុស្សនៅតាមប្រទេសជា ច្រកឆ្លងកាត់ទៅវិញ។
យ៉ាងណាមិញ លោក Tony Abbott បាននិយាយថាការពារគោលនយោបាយប្រមូលទិញទូកពីប្រជាជននេះថា លោកនឹងអនុវត្តគោលនយោបាយនេះ ហើយមិនបោះបង់គោលនយោបាយនេះឡើយ៕ (Radio Australia)