ដ្ឋមន្រ្តីក្រសួងការពារជាតិអូស្រ្តាលីទន្ទឹងព័ត៌មានពី Edward Snowden
នៅក្នុងកិច្ចប្រជុំសម្ងាត់មួយ រដ្ឋមន្រ្តីក្រសួងការពារជាតិអូស្រ្តាលី លោក David Johnstonបានប្រាប់ មន្ត្រីក្រសួងការពារជាតិដែលមានសមត្ថកិច្ច ឲ្យទន្ទឹងចាំការលេចធ្លាយព័ត៌មានសម្ងាត់ ជាបន្តទៀតពីលោក Edward Snowden។
ការសែត The Guardian របស់អូស្ត្រាលីបានរាយការណ៍កាលពីម្សិលមិញថាអតីតមន្រ្តី ចារកិច្ចរូបនេះបានបញ្ចេញឯកសារមួយចំនួនដោយបង្ហាញថា ប្រទេសអូស្ត្រាលីធ្លាប់បានត្រៀមខ្លួនកាលពីឆ្នាំ ២០០៨ ដើម្បីចែករំលែកព័ត៌មានដែលខ្លួនប្រមូលពីប្រជាពលរដ្ឋធម្មតាទៅឲ្យ ប្រទេសជាសម្ព័ន្ធមិត្តរបស់ខ្លួន។
លោក Johnston បានផ្តល់ព័ត៌មានដោយសង្ខេបទៅឲ្យជំនាញការរបស់ក្រសួងឧស្សាហកម្ម និងក្រសួងការពារជាតិកាលពីម្សិលមិញ។ នៅក្នុងពេលផ្តល់ព័ត៌មាននោះ លោក Johnston ត្រូវបានគេសួរនាំអំពីការបែកធ្លាយព័ត៌មានដោយសារអតីតភ្នាក់ងារ ចារកិច្ចអាម៉េរិក លោក Edward Snowden ។
លោក Johnston មានប្រសាសន៍ថា លោកមិនអាចផ្តល់ព័ត៌មានទាំងនេះឲ្យបានលម្អិតទេ ៕ (Radio Australia)