ក្រុមហ៊ុនចែកចាយថ្នាំចាញ់កូនដែលកាន់កាប់ដោយអង់គ្លេសត្រូវសងសំណង ៨៩ លានដុល្លារជូនជនរងគ្រោះ
ក្រុមហ៊ុនមួយដែលទទួលខុសត្រូវចែក ចាយថ្នាំ ឈ្មោះ Thalidomide ដែលជាប្រភេទថ្នាំសម្រាប់បំបាត់ការចាញ់កូន បានយល់ព្រមសងសំណងជំងឺចិត្តប្រមាណជា ៨៩ លានដុល្លារ ទៅស្រ្តីមានផ្ទៃពោះដែលបានប្រើប្រាស់ថ្នាំនេះ បណ្តាលឲ្យកូនរបស់ពួកគេប្រសូតមកដោយមិនពេញលក្ខណៈ។
ក្រុមហ៊ុនស្រាអង់គ្លេសឈ្មោះ Diageo ដែលកាន់កាប់ក្រុមហ៊ុនទទួលខុសត្រូវចែកចាយថ្នាំនេះជុំវិញប្រទេស អូស្ត្រាលី និងប្រទេសណូវែលហ្សេឡង់បានយល់ព្រមសងសំណងដ៏ច្រើនជូនជនរងគ្រោះដែល បានប្រើប្រាស់ថ្នាំនេះ។ ប្រជាពលរដ្ឋប្រមាណជា ១០០ នាក់នៅក្នុងប្រទេសទាំងពីរនេះ បច្ចុប្បន្នអាចទទួលបានប្រាក់សំណងពីក្រុមហ៊ុននេះហើយ។
ក្រុម មេធាវីបានប្រាប់ទៅតុលាការកំពូលថា នេះគឺជាថ្ងៃដ៏សំខាន់មួយសម្រាប់ប្រជាពលរដ្ឋដែលបានកើតមកមិនពេញ លក្ខណៈ ហើយពុំមានការទទួលស្គាល់អស់រយៈពេលជាង ៥០ ឆ្នាំមកហើយ។
តុលាការនឹងសម្រេចដាក់ឲ្យក្រុមហ៊ុនសងជំងឺចិត្តប្រមាណជា ៨៩ លានដុល្លារជូនជនរងគ្រោះទាំងនោះនៅឆ្នាំក្រោយនេះ។
គួរ រំលឹមថា ក្នុងអំឡុងចុងទសវត្សន៍ឆ្នាំ ១៩៥០ និងដើមឆ្នាំ ១៩៦០ មានទារកប្រមាណជា ១០.០០០ នាក់ជុំវិញពិភពលោកបានប្រសូតមកដោយមិនមានលក្ខណៈពេញលេញ បន្ទាប់ពីម្តាយរបស់ទារកទាំងនោះបានប្រើប្រាស់ថ្នាំ Thalidomide ដើម្បីបំបាត់ការចាញ់កូន៕ (Radio Australia)
