ប៉ងរំលោភ ប្រពន្ធគេ ប្តីទាន់វាយស្ទើរស្លាប់
ភ្នំពេញ ៖ បុរសម្នាក់បានឡើង ទៅលើផ្ទះស្ត្រីម្នាក់ ព្យាយាមរំលោភ ខណៈពេលប្តីមិន នៅផ្ទះ ដោយយកកាំបិតភ្ជុង ក តែមិនបានសម្រេច ព្រោះតែប្តីមកទាន់ កាលពីវេលា ម៉ោង៣ទាបភ្លឺ ថ្ងៃទី០២ ខែធ្នូ ឆ្នាំ២០១៣ នៅចំណុចផ្ទះជួលជាន់ទី១ ទល់មុខនិងវិទ្យាស្ថាន ប៊ែលធីអន្តរជាតិ ផ្លូវមុនីរ៉េត ស្ថិតក្នុងសង្កាត់ផ្សារដើមគ ខណ្ឌទួលគោក ។
សមត្ថកិច្ចបានឲ្យដឹងថា ស្ត្រីដែល ត្រូវគេប៉ុនប៉ង រំលោភខាងលើមាន ឈ្មោះនីតា អាយុ២៧ ឆ្នាំ មុនពេលកើតហេតុ នាងបានស្នាក់នៅ ផ្ទះរបស់នាង ស្ថិតនៅចំណុចខាងលើ ស្រាប់តែមាន បុរសម្នាក់ បានឡើងមកចាក់ និងគាស់សោរទ្វារ ផ្ទះរបស់នាង ហើយបានយកកាំបិត មកភ្ជុង គំរាម ហើយចងរំលោភ តែដោយសារតែប្តី របស់នាងមកទាន់ ក៏ស្ទុះទៅវាយ ជនសង្ស័យរង របួសហើយជនសង្ស័យនេះ បានយកញញ្ញួរ មកវាយក្បាលប្ដី របស់នារី បណ្ដាលឲ្យបែក ក្បាលហូរឈាម រួចក៏ព្យាយាមរត់ឡើងទៅលើរបងផ្ទះ ក៏ធ្លាក់បោកក្បាល រងរបួសធ្ងន់។
បន្ទាប់ពីកើតហេតុ ប្រហែលជា១០នាទី គេក៏បានឃើញមន្ត្រី កងរាជអាវុធហត្ថ បានចុះអន្តរាគមន៍ បច្ចុប្បន្ន ជនសង្ស័យត្រូវ បានសមត្ថកិច្ចបញ្ជួនទៅសង្គ្រោះ ដើម្បីរងចាំធ្វើការសាក នៅ ពេល ក្រោយ៕ Cambodia News